నర్సింగోలులో సీఎం పర్యటన ఏర్పాట్లు పరిశీలన
హెలిప్యాడ్‌, ప్రజా వేదిక, పార్టీ క్యాడర్‌ సమావేశ స్థలాల పరిశీలన
అధికారులు, నాయకులకు మంత్రి డోలా, కలెక్టర్‌ రాజాబాబు సూచనలు
పర్యటనను విజయవంతం చేసేందుకు పకడ్బందీ ఏర్పాట్లు
సూర్య ప్రతినిధి, ఒంగోలు :
ఈ నెల 9న ముఖ్యమంత్రి నారా చంద్రబాబు నాయుడు కొండపి నియోజకవర్గ పర్యటన నేపథ్యంలో జరుగుమల్లి మండలం నర్సింగోలులో చేపట్టనున్న హెలిప్యాడ్‌, ప్రజా వేదిక, పార్టీ క్యాడర్‌ సమావేశ స్థలాలను రాష్ట్ర మంత్రి డా. డోలా శ్రీ బాల వీరాంజనేయస్వామి, జిల్లా కలెక్టర్‌ పి. రాజాబాబు, రాష్ట్ర మారిటైమ్‌ బోర్డు చైర్మన్‌, జోనల్‌ కో-ఆర్డినేటర్‌ దామచర్ల సత్య పరిశీలించారు. సీఎం పర్యటనను విజయవంతం చేసేందుకు చేపట్టాల్సిన ఏర్పాట్లపై క్షేత్రస్థాయిలో పరిశీలన చేశారు. అనంతరం అధికారులకు, నాయకులకు పలు సూచనలు చేశారు. ముఖ్యమంత్రి పర్యటనకు ఎలాంటి ఇబ్బందులు లేకుండా అన్ని ఏర్పాట్లను సమన్వయంతో పూర్తి చేయాలని సూచించారు.
