నగరంలో సంపూర్ణ పారిశుద్ధ్యానికి ప్రతి ఒక్కరూ కృషి చేయాలి.....
విజయనగరం, సూర్య : నగరంలో సంపూర్ణ పారిశుధ్యానికి ప్రతి ఒక్కరూ కృషి చేయాలని కమిషనర్ బాలస్వామి ఆదేశించారు. క్షేత్రస్థాయి పర్యటనలో భాగంగా వివిధ ప్రాంతాల్లో పర్యటించిన ఆయన పారిశుధ్య పనితీరును గమనించారు. సేకరించిన చెత్తలను ఎప్పటికప్పుడు చెత్త తరలించే వాహనాల్లో డంపింగ్ యార్డ్ కు చేరే విధంగా చూడాలన్నారు. ఇంటింటి చెత్త సేకరణ శతశాతం అమలయ్యే విధంగా చూడాలన్నారు. నిర్ణీత సమయానికి పారిశుధ్య కార్మికులు విధులకు హాజరవుతున్నారా లేదా అని గమనించారు. వర్షపు నీటి ప్రవాహానికి అడ్డంకులు లేకుండా కాలువలలో పూడికలను ఎప్పటికప్పుడు తొలగించాలని ఆదేశించారు. రహదారులపై నీరు నిలవ లేకుండా చూడాలన్నారు. అనంతరం అన్నక్యాంటీన్ ను సందర్శించారు. అక్కడ అందిస్తున్న ఆహారం పట్ల ప్రజలలో ఉన్న అభిప్రాయాలను అడిగి తెలుసుకున్నారు. శుచికి శుభ్రతకు అధిక ప్రాధాన్యత ఇస్తున్నట్లు తెలిపారు. అన్న క్యాంటీన్ల ఔన్నత్యాన్ని మరింతగా పెంచే విధంగా సిబ్బంది పనితీరు మెరుగుపరుచుకోవాలని సూచించారు.
