andhrapradesh
నామినేషన్‌కు వెళ్తున్న వైసీపీ అభ్యర్థులపై రాళ్లదాడి
పెద్దవడుగూరు / అనంతపురం జిల్లా: తాడిపత్రి నియోజకవర్గ పరిధిలోని పెద్దవడుగూరులో రాజకీయ ఉద్రిక్తత తారాస్థాయికి చేరింది. నామినేషన్‌ వేసేందుకు వెళ్తున్న వైఎస్సార్‌సీపీ అభ్యర్థులపై ప్రత్యర్థులు రాళ్లదాడికి పాల్పడ్డారు.
పోలీసుల జీపులో నామినేషన్‌ కేంద్రానికి వెళ్తున్న వైఎస్సార్‌సీపీ అభ్యర్థులను టీడీపీ కార్యకర్తలు మార్గమధ్యలో అడ్డుకున్నారు. నామినేషన్‌ కేంద్రం వద్ద పెద్ద సంఖ్యలో టీడీపీ శ్రేణులు గుమిగూడి ఈ దాడికి దిగడంతో ఒక్కసారిగా భయాందోళనకర వాతావరణం నెలకొంది. ఈ రాళ్లదాడితో అక్కడ తీవ్ర ఉద్రిక్తత చోటుచేసుకోవడంతో.. అప్రమత్తమైన పోలీసులు లాఠీచార్జి చేసి గుంపును చెదరగొట్టారు. పరిస్థితి అదుపులోకి తెచ్చేందుకు భారీగా బలగాలను మోహరించారు.
