నాడు గుజ‌రాత్‌లో వ్య‌వ‌సాయ అద్భుతం.. నేడు దేశ వ్య‌వ‌సాయరంగానికి కొత్త రూపం

మొదట ముఖ్యమంత్రిగా, ఆ తర్వాత ప్రధానమంత్రిగా నరేంద్ర మోదీ పాలన భారత వ్యవసాయానికి ఏం అందించిందో వెనక్కి తిరిగి పరిశీలించేందుకు ఇరవై ఐదేళ్లు సుదీర్ఘ కాల‌మే. 2001 అక్టోబర్‌లో ఆయన ముఖ్యమంత్రి అయినప్పుడు గుజరాత్‌లో ప్రారంభమైన ఈ ప్రస్థానం. 2014 మే లో జాతీయ స్థాయికి విస్తరించింది.  గతంలో చెప్పినట్లుగా ఓసారి గుజరాత్ విజయగాథను గుర్తుచేసుకోవాలి. ఎందుకంటే అది వ్యవసాయ రంగంలో ఒక అద్భుతం. 2001–02 నుంచి 2013–14 మధ్య గుజరాత్ వ్యవసాయ స్థూల దేశీయోత్పత్తి  ఏటా సుమారు 9% చొప్పున పెరిగింది. ప్రధాన రాష్ట్రాల్లో ఇదే అత్యధిక వృద్ధి. దీనిని సాధ్యం చేసింది ఏదో ఒక పథకం లేదా ఒక పంట కాదు. సమగ్ర వ్యవస్థనే ఇందుకు కార‌ణం.