ఖాసాపేటలో ఘనంగా షిరిడీ సాయిబాబా జయంతి వేడుకలు భారీ అన్న సమారాధన పాల్గొన్న ఎమ్మెల్యే కోళ్ల

​​లక్క వరపు కోట , సెప్టెంబర్ 28 మేజర్ న్యూస్ : మండలములోని ఖాసాపేట గ్రామంలో షిరిడీ సాయిబాబా191 వ జయంతి వేడుకలు అత్యంత భక్తిశ్రద్ధలతో, ఘనంగా జరిగాయి. ఈ సందర్భంగా గ్రామంలోని సాయిబాబా ఆలయాన్ని పూలతో శోభాయమానంగా అలంకరించి, ఉదయం నుంచే అభిషేకాలు, విశేష అర్చనలు, హారతి కార్యక్రమాలు నిర్వహించారు. స్థానిక భక్తులు పెద్ద సంఖ్యలో తరలివచ్చి బాబావారిని దర్శించుకుని మొక్కులు తీర్చుకున్నారు.
​ఖాసాపేట తన స్వగ్రామం కావడంతో ఎమ్మెల్యే కోళ్ల లలితకుమారి ఈ వేడుకల్లో ముఖ్య అతిథిగా పాల్గొన్నారు.  సాయిబాబా వారికి ప్రత్యేక పూజలు చేసి, తీర్థప్రసాదాలు స్వీకరించారు. నియోజకవర్గ ప్రజలంతా ఆయురారోగ్యాలు, సుఖశాంతులతో వర్ధిల్లాలని, గ్రామం మరింతగా అభివృద్ధి చెందాలని బాబావారిని కోరుకున్నట్లు ఎమ్మెల్యే తెలిపారు.
​జయంతి వేడుకల సందర్భంగా ఆలయ ప్రాంగణంలో ఏర్పాటు చేసిన మహా అన్నసమారాధన కార్యక్రమంలో పాల్గొన్నారు. గ్రామస్తులతో పాటు పరిసర ప్రాంతాల నుంచి తరలివచ్చిన భక్తులకు స్వయంగా అన్నప్రసాదాలను వడ్డించారు. ఈ కార్యక్రమంలో స్థానిక ప్రజాప్రతినిధులు, ఆలయ కమిటీ ప్రతినిధులు, గ్రామ పెద్దలు, మహిళలు, యువకులు పెద్ద సంఖ్యలో పాల్గొన్నారు