కలికిరిలో లాంఛనంగా సీనియర్ సిటిజన్ యూనిట్ ప్రారంభం

- నూతన కమిటీ ఎన్నిక ఏకగ్రీవం
- హాజరైన అసోసియేషన్ జిల్లా అధ్యక్షులు ఎన్.మునిగోపాలకృష్ణ 
మదనపల్లె : అన్నమయ్య జిల్లా,పీలేరు నియోజకవర్గం,కలికిరిలో సీనియర్ సిటిజన్స్ వెల్ఫేర్ అసోసియేషన్ నూతన యూనిట్ మంగళవారం ఏకగ్రీవంగా ఎన్నికైంది.ఆంధ్రప్రదేశ్ సీనియర్ సిటిజన్స్ వెల్ఫేర్ అసోసియేషన్ అన్నమయ్య జిల్లా అధ్యక్షులు డాక్టర్ ఎన్.మునిగోపాలకృష్ణ ఎన్నికల అధికారిగా,పిసీ తిమ్మయ్య ఎన్నికల పరిశీలకులుగా వ్యవహరించారు.కలికిరి మండల యూనిట్ అధ్యక్షుడిగా సురేంద్ర రెడ్డి,కార్యదర్శిగా శివరామిరెడ్డి,కోశాధికారిగా వెంకటరమణ,ఉపాధ్యక్షులుగా గంగిరెడ్డి,జాయింట్ సెక్రటరీగా రమాదేవి,గిరి ఈసీ మెంబర్లుగా పదిమందిని ఏకగ్రీవంగా ఎన్నుకోవడం జరిగింది.ఈ సందర్భంగా మునిగోపాలకృష్ణ మాట్లాడుతూ ప్రతినెల సమావేశంలో నిర్వహించాలని,ప్రతి మూడు నెలలకు ఒకసారి జిల్లా కేంద్రమైన మదనపల్లిలో అధ్యక్షులు,కార్యదర్శి జిల్లా సమావేశాలకు హాజరు కావాలని,సభ్యుల చేత చెల్లింపబడినటువంటి డబ్బును బ్యాంకులో జమ చేసి కార్యక్రమాలు నిర్వహించాలన్నారు.నూతనంగా సభ్యులందరినీ ఎక్కువ మందిని చేర్పించాలని కోరారు.అనంతరం నూతనంగా ఎన్నికైనటువంటి అధ్యక్షులు సురేందర్ రెడ్డి మాట్లాడుతూ సీనియర్ సిటిజన్స్ సంక్షేమానికి కృషిచేస్తామని,మెరుగైన సేవలు అందించి జిల్లా అధ్యక్షుడు డాక్టర్ మునిగోపాలకృష్ణకు సహాయ,సహకారాలు అందిస్తామని స్పష్టం చేశారు.ఎన్నికల పరిశీలకులు,ఎన్నికలు అధికారి సభ్యులందరి చేత ప్రమాణ స్వీకారం చేయించారు.