"కాకాణికి పుట్టినరోజు శుభాకాంక్షలు"

నెల్లూరు,  మేజర్ న్యూస్ :    హైదరాబాద్‌లో కుటుంబ సభ్యుల సమక్షంలో కాకాణి పుట్టినరోజు వేడుకలు.. పలుచోట్ల సేవా కార్యక్రమాలు.  మాజీ మంత్రివర్యులు, వైఎస్సార్ కాంగ్రెస్ పార్టీ నెల్లూరు జిల్లా అధ్యక్షులు డా. కాకాణి గోవర్ధన్ రెడ్డి గారి పుట్టినరోజు వేడుకలను హైదరాబాద్‌లోని తన నివాసంలో కుటుంబ సభ్యుల సమక్షంలో నిర్వహించుకున్నారు.ఈ సందర్భంగా కుటుంబ సభ్యులతో కలిసి కేక్ కట్ చేసి పుట్టినరోజు వేడుకలు జరుపుకున్నారు. హైదరాబాద్‌లోని కాకాణి నివాసానికి పలువురు రాజకీయ ప్రముఖులు, అభిమానులు, శ్రేయోభిలాషులు చేరుకొని ఆయనకు పుట్టినరోజు శుభాకాంక్షలు తెలియజేసి అభినందనలు తెలిపారు. కాకాణి పుట్టినరోజు సందర్భంగా నెల్లూరు జిల్లాలోని పలు ప్రాంతాల్లో అభిమానులు, పార్టీ నాయకులు, కార్యకర్తలు భారీ కేక్ లు కట్ చేసి, వివిధ సేవా కార్యక్రమాలు, అన్నదానం, నిర్వహించారు. కోడూరు వేళంగాని చర్చి లో ప్రత్యేక ప్రార్థనలు నిర్వహించారు,, నెల్లూరులోని ప్రగతి చారిటబుల్స్‌లో,పలువురు సేవా కార్యక్రమాలు చేపట్టారు, మనుబోలు లోని సంగమేశ్వర దేవాలయంలో ప్రత్యేక పూజలు నిర్వహించి, గిరిజనుల సమక్షంలో  కేక్ కట్ చేసి ఆనందం వ్యక్తం చేశారు  తమ అభిమానాన్ని చాటుకున్నారు