హాస్టల్లో పరిశుభ్రతకు పెద్దపీట
విద్యార్థినులతో మాట్లాడి చదువులు, భవిష్యత్ లక్ష్యాలపై ఆరా
నాణ్యమైన ఆహారం అందించాలని అధికారులకు ఆదేశం
సూర్య ప్రతినిధి, ఒంగోలు :
ఒంగోలు భాగ్యనగర్లోని ప్రైవేట్ భవనంలో కొనసాగుతున్న ప్రభుత్వ సాంఘిక సంక్షేమ కాలేజ్ గర్ల్స్ హాస్టల్ ను జిల్లా సాంఘిక సంక్షేమ అధికారి ఎన్. లక్ష్మానాయక్ ఆదివారం ఉదయం తనిఖీ చేశారు. ఈ సందర్భంగా విద్యార్థినులతో ముఖాముఖిగా మాట్లాడి వారి చదువులు, విద్యాపరమైన ప్రతిభ, భవిష్యత్ లక్ష్యాలపై ఆరా తీశారు. అనంతరం హాస్టల్లోని వంటగది, స్టోర్ రూమ్ను పరిశీలించారు. నిర్దేశిత మెనూలో భాగంగా తయారు చేసిన పూరీ, ఆలూ కుర్మాను విద్యార్థినులతో కలిసి సహపంక్తి భోజనం చేశారు. వంటగది, స్టోర్ రూమ్తో పాటు హాస్టల్ ప్రాంగణంలో పరిశుభ్రతకు అత్యంత ప్రాధాన్యం ఇవ్వాలని, ఎలాంటి లోపాలు లేకుండా నిర్వహించాలని హాస్టల్ వెల్ఫేర్ ఆఫీసర్ కె. స్వప్నలతను ఆదేశించారు. నిర్దేశిత మెనూ ప్రకారం ప్రతిరోజూ నాణ్యమైన ఆహారం అందించేలా తగిన జాగ్రత్తలు తీసుకోవాలని స్పష్టం చేశారు.
