గురుకుల బాలికల పాఠశాలలో నూతన పాఠశాల యాజమాన్య కమిటీ ఎన్నిక

లక్క వరపు కోట , సెప్టెంబర్ 29 మేజర్ న్యూస్ :జమ్మదేవిపేట గ్రామ కేంద్రంగా నిర్వహిస్తున్న మహాత్మా జ్యోతిబాపూలే ఆంధ్రప్రదేశ్ వెనుకబడిన సంక్షేమ గురుకుల బాలికల పాఠశాల మరియు కళాశాలలో 2026 సంవత్సరానికి సంబంధించిన పాఠశాల యాజమాన్య కమిటీ ఎన్నికలు మంగళవారం నిర్వహించారు.
పాఠశాల ప్రిన్సిపాల్ శ్రీ యు. విజయ్ కుమార్ పాత్రో అధ్యక్షతన జరిగిన ఈ ఎన్నికల్లో పాఠశాలను ఒక యూనిట్‌గా పరిగణించి, 5వ తరగతి నుంచి జూనియర్ ఇంటర్మీడియట్ వరకు ప్రతి తరగతి నుంచి ఒక పేరెంట్‌ను సభ్యునిగా ప్రత్యక్ష పద్ధతిలో, చేతులెత్తే విధానం ద్వారా ఎన్నుకున్నారు. ఈ ప్రక్రియలో మొత్తం 13 మంది సభ్యులు ఎన్నికయ్యారు.
అనంతరం ఎన్నికైన 13 మంది సభ్యులు తమలో ఆవాల గణేష్‌ను చైర్మన్‌గా, కుమ్మోజు ఉదయ కుమారిని వైస్ చైర్మన్‌గా ఏకగ్రీవంగా ఎన్నుకున్నారు. ప్రిన్సిపాల్ ఆధ్వర్యంలో నూతన చైర్మన్, వైస్ చైర్మన్‌తో పాటు కమిటీ సభ్యులు ప్రమాణ స్వీకారం చేశారు.
ఈ సందర్భంగా నిర్వహించిన తొలి సమావేశంలో పాఠశాల అభివృద్ధికి తమ వంతు కృషి చేస్తామని నూతన పాఠశాల యాజమాన్య కమిటీ సభ్యులు తీర్మానించారు. అనంతరం నూతనంగా ఎన్నికైన చైర్మన్, వైస్ చైర్మన్, సభ్యులను ప్రిన్సిపాల్ యు. విజయ్ కుమార్ పాత్రో అభినందించి శుభాకాంక్షలు తెలిపారు.