డాక్టర్ విక్రమ్‌ను మర్యాదపూర్వకంగా కలిసిన మేయర్ అభ్యర్థి రమేష్ గౌడ్ అనంతపురం నగర రాజకీయాల్లో ముమ్మరంగా సాగుతున్న రమేష్ గౌడ్ ఆత్మీయ భేటీలు
అనంతపురం బ్యూరో (అనంతపురం బ్యూరో, మేజర్ న్యూస్) : అనంతపురం నగరపాలక సంస్థ వైఎస్సార్ కాంగ్రెస్ పార్టీ మేయర్ అభ్యర్థి చిట్లూర్ రమేష్ గౌడ్ డాక్టర్ విక్రమ్‌ను మర్యాదపూర్వకంగా కలిశారు. ఈ సందర్భంగా ఇరువురూ ఆత్మీయంగా పలకరించుకుని, పలు అంశాలపై చర్చించుకున్నారు.
మేయర్ అభ్యర్థిగా రమేష్ గౌడ్‌ను పార్టీ అధిష్ఠానం ప్రకటించిన నేపథ్యంలో నగరంలో పార్టీ శ్రేణులను సమన్వయం చేసుకుంటూ ఆయన ముందుకు సాగుతున్నారు. ఇందులో భాగంగా వివిధ రంగాలకు చెందిన ప్రముఖులు, సీనియర్ నాయకులను కలుస్తూ వారి అభిప్రాయాలు తెలుసుకుంటున్నారు. డాక్టర్ విక్రమ్‌తో జరిగిన ఈ భేటీలో ఆయన సానుకూలంగా స్పందించడం ప్రాధాన్యత సంతరించుకుంది.
రానున్న నగరపాలక ఎన్నికల్లో పార్టీ విజయమే లక్ష్యంగా అందరినీ కలుపుకొని ముందుకు సాగుతామని రమేష్ గౌడ్ విశ్వాసంతో ఉన్నారు. ఈ వరుస భేటీలు అనంతపురం నగర వైఎస్సార్ కాంగ్రెస్ పార్టీ శ్రేణుల్లో ఆసక్తిని రేకెత్తిస్తున్నాయి.
