ప్రభుత్వ సర్వజన ఆసుపత్రిలో ఘనంగా దుర్గాష్టమి వేడుకలు ఆర్థో విభాగంలో ప్రత్యేక పూజలు.. పాల్గొన్న వైద్యులు, సిబ్బంది

అనంతపురం బ్యూరో (అనంతపురం బ్యూరో, మేజర్ న్యూస్) : అనంతపురం ప్రభుత్వ సర్వజన ఆసుపత్రిలో దుర్గాష్టమి వేడుకలను ఘనంగా నిర్వహించారు. ఈ సందర్భంగా ఆసుపత్రిలోని ఆర్థోపెడిక్ విభాగంలో ప్రత్యేక పూజలు నిర్వహించి అమ్మవారికి భక్తిశ్రద్ధలతో ప్రార్థనలు చేశారు.

ఈ కార్యక్రమంలో ఆర్థో విభాగం హెచ్‌ఓడీ డాక్టర్ ఆత్మరామ్, డాక్టర్ సతీష్, డాక్టర్ మొహమ్మద్ గౌస్, డాక్టర్ రాఘవేంద్ర రాజు తదితర వైద్యులు పాల్గొన్నారు. ఆసుపత్రి సిబ్బంది కూడా ఈ వేడుకల్లో పాల్గొని పూజలు నిర్వహించారు.

దుర్గాష్టమి పర్వదినాన్ని పురస్కరించుకుని నిర్వహించిన ఈ ప్రత్యేక పూజలతో ఆసుపత్రి ఆవరణలో ఆధ్యాత్మిక వాతావరణం నెలకొంది. ప్రజలందరూ ఆయురారోగ్యాలతో, సుఖసంతోషాలతో ఉండాలని అమ్మవారిని ప్రార్థించినట్లు నిర్వాహకులు తెలిపారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.