అరసాడ లో పల్లె నిద్ర కార్యక్రమం... ప్రజలకు అవగాహన కల్పిస్తున్న వంగర ఎస్సై షేక్ శంకర్

వంగర, సూర్య : వంగర మండలం అరసాడ గ్రామంలో శుక్రవారంనిర్వహించిన పల్లె నిద్ర కార్యక్రమంలో వంగర ఎస్సై షేక్ శంకర్  గ్రామ ప్రజలకు పలు అంశాలపై అవగాహన కల్పించారు. ఈ సందర్భంగా మద్యం సేవించడం వల్ల కలిగే అనర్థాలు, మాదకద్రవ్యాల వినియోగం వల్ల ఎదురయ్యే ప్రమాదాలు, నేరాల నివారణ, రోడ్డు ప్రమాదాల నియంత్రణ తదితర అంశాలపై ప్రజలకు వివరించారు. గ్రామాల్లో శాంతిభద్రతల పరిరక్షణకు ప్రజలు పోలీసులకు సహకరించాలని ఎస్సై షేక్ శంకర్ సూచించారు. అనుమానాస్పద వ్యక్తులు కనిపించినా, అసాంఘిక కార్యకలాపాలు జరిగినా వెంటనే పోలీసుల దృష్టికి తీసుకురావాలని కోరారు. ప్రజలకు పోలీసు శాఖ మరింత చేరువ కావడం, గ్రామస్థుల సమస్యలను తెలుసుకోవడం పల్లె నిద్ర కార్యక్రమం ప్రధాన ఉద్దేశమని తెలిపారు. ఈ కార్యక్రమం ద్వారా ప్రజల్లో చట్టాలపై అవగాహన కల్పించారు.

రిపోర్టర్ : దుర్గా ప్రసాద్, వంగర, విజయనగరం జిల్లా.