అపరాల సాగుతో భూసారానికి మేలు!

బాడంగి, సూర్య : బాడంగి మండలం గజరాయినవలస గ్రామంలో అపరాల సాగు, ఆర్థిక విత్తనాల వినియోగంపై సోమవారం రైతులకు అవగాహన కార్యక్రమం నిర్వహించారు. ఈ సందర్భంగా ఎన్‌ఎఫ్‌ఏ రమేష్ రైతులకు అపరాల సాగు ప్రాధాన్యతను వివరిస్తూ, వాటి ద్వారా భూమి సారవంతం కావడంతో పాటు పంటలకు మేలు కలుగుతుందని తెలిపారు. ఐదు రకాల పంటలైన అలసందలు, తెల్లజొన్న, మొక్కజొన్న, కంది తదితర పంటల సాగు విధానాలు, వాటి ప్రయోజనాలను వివరించారు. ప్రకృతి వ్యవసాయ పద్ధతుల్లో అపరాల సాగుకు ప్రాధాన్యత ఇవ్వడం ద్వారా భూసారం పెంపొందించుకోవచ్చని, రైతులు ఈ విధానాలను ఆచరించాలని సూచించారు. ఈ కార్యక్రమంలో ఎఫ్‌ఎంటీ వై. ఈశ్వరరావు, ఐసీఆర్‌పీ ఎన్. నారాయణ, గ్రామానికి చెందిన మహిళా రైతులు, రైతులు పాల్గొన్నారు.