అమ్మవారి సన్నిధిలో కొండముచ్చు.. అబ్బురపరిచిన దృశ్యం!

అవనిగడ్డ, మేజర్ న్యూస్: శ్రీదేవి శరన్నవరాత్రి ఉత్సవాలలో ప్రముఖమైన మూలా నక్షత్రం సందర్భంగా అవనిగడ్డలోని శ్రీ రాజరాజేశ్వరి సమేత రాజశేఖరస్వామి ఆలయంలో అమ్మవారిని సరస్వతీదేవిగా అలంకరించి ప్రత్యేక పూజలు నిర్వహించారు. చదువుల తల్లి సన్నిధిలో చిన్నారులతో కలిసి భక్తులు పూజలు చేస్తుండగా ఓ కొండముచ్చు అక్కడికి వచ్చి కూర్చోవడం అందరినీ ఆశ్చర్యపరిచింది. భక్తుల మధ్య కొద్దిసేపు కూర్చున్న కొండముచ్చు పూజా కార్యక్రమాలను భక్తితో ఆలకిస్తున్నట్లు ఆలయంలో ప్రత్యేక ఆకర్షణగా నిలిచింది. ఈ దృశ్యాన్ని చూసిన భక్తులు ఆసక్తిగా తిలకించారు.✍️ అజంతా శ్రీనివాస్, అవనిగడ్డ, కృష్ణాజిల్లా.