అంగన్వాడీ టీచర్లు ఆయాలకు సన్మానం

అంగన్వాడీ టీచర్లు, ఆయాలకు సన్మానం

పెరవలి మేజర్ న్యూస్

తూర్పుగోదావరి జిల్లా పెరవలి మండలంలో వివిధ గ్రామాల్లో సెప్టెంబర్ 28వ తేదీ సోమవారం ప్రధానమంత్రి నరేంద్ర మోదీ జన్మదినాన్ని పురస్కరించుకుని బీజేపీ నాయకులు వివిధ సేవా కార్యక్రమాలు నిర్వహించారు.  సోమవారం మండలంలోని వివిధ గ్రామాల్లో ఉన్న అంగన్వాడీ కేంద్రాలను సందర్శించి అక్కడ పనిచేస్తున్న అంగన్వాడీ టీచర్లు, ఆయాలను ఘనంగా సన్మానించారు.ఈ సందర్భంగా అంగన్వాడీ సిబ్బందికి చీరలు, ఇతర వస్తువులను బహుకరించి వారి సేవలను అభినందించారు. చిన్నారుల సంరక్షణ, పోషణ, ఆరోగ్యం, విద్యాభివృద్ధిలో అంగన్వాడీ సిబ్బంది అందిస్తున్న సేవలను బీజేపీ నాయకులు ప్రశంసించారు.ప్రధానమంత్రి నరేంద్ర మోదీ జన్మదిన వేడుకల్లో భాగంగా ప్రజలకు ఉపయోగపడే సేవా కార్యక్రమాలను నిర్వహిస్తున్నామని నాయకులు తెలిపారు. కార్యక్రమంలో బీజేపీ నాయకులు, కార్యకర్తలు, అంగన్వాడీ సిబ్బంది పాల్గొన్నారు.