అధిష్టానం నిర్ణయమే నాకు శిరోధార్యం : డాక్టర్ అప్పినపల్లి భాస్కరాచారి

మదనపల్లె, మేజర్ న్యూస్ : అధిష్టానం నిర్ణయమే నాకు శిరోధార్యమని,కూటమి అభ్యర్థుల గెలుపునకు తనవంతు కృషిచేస్తానని ఎబిసి పౌండేషన్ వ్యవస్థాపకులు డాక్టర్ అప్పినపల్లి భాస్కరాచారి స్పష్టం చేశారు.బుధవారం మదనపల్లి ప్రెస్ క్లబ్ నందు ఏర్పాటు చేసిన విలేకరుల సమావేశంలో ఆయన మాట్లాడుతూ మున్సిపాలిటీలో తెలుగుదేశం పార్టీ తరపున 34వ వార్డు కౌన్సిలర్ అభ్యర్థిగా నామినేషన్ వేయడం జరిగిందని,అయితే 34వ వార్డు టిడిపి కౌన్సిలర్ అభ్యర్థిగా అధిష్టానం పార్టీలో సీనియర్ నాయకుడికి అవకాశం కల్పించిందని,దీంతో పార్టీ ఆదేశాల మేరకు నామినేషన్ ఉపసంహరించుకోవడం జరిగిందన్నారు.తాను కొన్ని దశాబ్దాలుగా తెలుగుదేశం పార్టీలో కొనసాగుతున్నానని,పార్టీ బలోపేతానికి ఎంతో కృషి చేశానన్నారు.తన సేవలను గుర్తించి ముఖ్యమంత్రి చంద్రబాబునాయుడు,యువ మంత్రి నారా లోకేష్ బాబు ఏదైనా బాధ్యతలు అప్పగిస్తే వాటిని సమర్థవంతంగా నిర్వర్తిస్తానన్నారు.తాను నిరంతరం తెలుగుదేశం పార్టీలోనే కొనసాగుతానని ఆయన స్పష్టం చేశారు.అభివృద్ధి,సంక్షేమం తెలుగుదేశం పార్టీతోనే సాధ్యమని వెల్లడించారు.మదనపల్లిలో కూటమి అభ్యర్థులకు ప్రజలు మద్దతుగా నిలవాలని ఆయన పిలుపునిచ్చారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి