*శాంతిభద్రతలకు విఘాతం కలిగిస్తూ, ప్రజాప్రతినిధుల చిత్రపటాల దహనం: 6 గురిపై కేసు నమోదు*

కోహెడ;కోహెడ పోలీస్ స్టేషన్ పరిధికి చెందిన ధర్మసాగర్‌పల్లి గ్రామంలో అక్రమంగా గుమికూడి, వర్గ వైషమ్యాలు రెచ్చగొట్టేలా వ్యవహరించిన కొందరు వ్యక్తులపై చట్టరీత్యా కేసు నమోదు చేసినట్లు హుస్నాబాద్ ఏసీపీ సదానందం తెలిపారు.  సంఘటన వివరాలు ధర్మసాగర్‌పల్లి గ్రామ సర్పంచ్ కరివేద చంద్రారెడ్డి ఇచ్చిన ఫిర్యాదు ప్రకారం తేదీ 20.10.2026 రాత్రి దసరా పండుగ వేడుకల సందర్భంగా ధర్మసాగర్‌పల్లి గ్రామంలోని హనుమాన్ గుడి వద్ద ఎటువంటి ముందస్తు అనుమతి లేకుండా కొందరు యువకులు అక్రమంగా గుమికూడారు. గ్రామంలో వర్గ వైషమ్యాలు రెచ్చగొట్టేలా, ప్రజల మనోభావాలు దెబ్బతినేలా మరియు పల్లె వాతావరణంలో అశాంతిని సృష్టించే ఉద్దేశ్యంతో తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి మరియు రాష్ట్ర బిసి సంక్షేమ, రవాణా శాఖామాత్యులు, హుస్నాబాద్ ఎమ్మెల్యే పొన్నం ప్రభాకర్ ఫోటోలతో కూడిన ఫ్లెక్సీని రావణాసురుని రూపంలో తయారు చేయించారు. సదరు ఫ్లెక్సీని కోహెడలోని 'మణికంఠ ప్లెక్సీ ప్రింటర్' షాపు నిర్వాహకుడు ఎండీ. ఆరిఫ్ సాయంతో తయారు చేయించి, దాన్ని కట్టెలకు కట్టి, గడ్డి పెట్టి నిప్పు అంటించి దహనం చేశారు. అంతేకాకుండా, ఈ దృశ్యాలను వీడియో తీసి సామాజిక మాధ్యమాలలో పోస్ట్ చేసి, ప్రజల మధ్య పగలు పెంచే విధంగా, గొడవలు సృష్టించేలా ప్రచారం చేశారు. కేసు నమోదు మరియు దర్యాప్తు.ఈ సంఘటనకు పాల్పడిన క్రింది నిందితులపై మరియు వారికి సహకరించిన వారిపై కోహెడ పోలీస్ స్టేషన్‌లో కేసు నమోదు చేసి దర్యాప్తు ప్రారంభించడం జరిగింది అని హుస్నాబాద్ ఏసిపి సదానందం తెలియజేశారు. నిందితుల వివరాలు పోతరవేణి రాకేష్, తండ్రి మొండయ్య, లోనే హరీష్, తండ్రి మల్లేషం, మొతుకురు శ్రీకాంత్, తండ్రి కొమురయ్య,గొండ అజయ్ కుమార్ అభి, తండ్రి సంజీవ్, బండ అభిషేక్, తండ్రి మల్లేష్ (అందరూ ధర్మసాగర్‌పల్లి నివాసితులు) ఎండీ. ఆరిఫ్ (మణికంఠ ప్లెక్సీ ప్రింటర్స్, కోహెడ)  చట్టాన్ని చేతుల్లోకి తీసుకుని, రాజకీయ ఉద్రిక్తతలు లేదా వర్గ వైషమ్యాలు రెచ్చగొట్టేలా సామాజిక మాధ్యమాల్లో పోస్టులు పెట్టినా, అశాంతికి గురిచేసినా సహించేది లేదని, వారిపై కఠిన చట్టపరమైన చర్యలు తీసుకుంటామని ఏసీపీ సదానందం హెచ్చరించారు.