గ్రామగ్రామాన మహిళా భజన కమిటీలు ఏర్పాటు చేయాలి
గ్రామగ్రామాన మహిళా భజన కమిటీలు ఏర్పాటు చేయాలి
-మహిళా భజన బృందాలకు ఐడీ కార్డుల పంపిణీ
సిద్దిపేట రూరల్ : గ్రామగ్రామాన మహిళా భజన కమిటీలను ఏర్పాటు చేసి, మహిళలను ఆధ్యాత్మికత వైపు ప్రోత్సహించాలని తెలంగాణ రాష్ట్ర జానపద వృత్తి కళాకారుల సంఘం రాష్ట్ర అధ్యక్షుడు దొంగల రాంరెడ్డి పిలుపునిచ్చారు.సిద్దిపేట రూరల్ మండలం సీతారాంపల్లి గ్రామానికి చెందిన మూడు మహిళా భజన బృందాలకు తెలంగాణ రాష్ట్ర జానపద వృత్తి కళాకారుల సంఘం ఆధ్వర్యంలో ఆయన ఐడీ కార్డులను పంపిణీ చేశారు. ఈ సందర్భంగా ఆయన మాట్లాడుతూ మహిళా భజన బృందాలు గ్రామాల్లో ఆధ్యాత్మిక చైతన్యాన్ని పెంపొందించడంతో పాటు, మన సంస్కృతి, సంప్రదాయాలను కాపాడటంలో కీలక పాత్ర పోషిస్తున్నాయని అన్నారు.జిల్లాలోని ప్రతి గ్రామంలో మహిళా భజన కమిటీలను ఏర్పాటు చేసి, మహిళా కళాకారులకు గుర్తింపు కల్పించాలన్నారు. భజన సంప్రదాయాలను భావితరాలకు అందించేందుకు ప్రతి ఒక్కరూ కృషి చేయాలని కోరారు. మహిళల్లో ఐక్యతను పెంపొందిస్తూ, జానపద కళలకు మరింత ప్రోత్సాహం అందించాలనే లక్ష్యంతో సంఘం ముందుకు సాగుతోందని పేర్కొన్నారు.ఈ కార్యక్రమంలో మీరుదొడ్డి మండల అధ్యక్షుడు అంజిరెడ్డి, సిద్దిపేట రూరల్ మండల అధ్యక్షుడు మారెడ్డి శ్రీనివాస్ రెడ్డి, మహిళా భజన బృందాల సభ్యులు తదితరులు పాల్గొన్నారు.
(సూర్య రూరల్, రమేష్)
