ఎమ్మెల్సీ శంభీపూర్ రాజుకు దసరా శుభాకాంక్షలు తెలిపిన బీఆర్ఎస్ శ్రేణులు

దుండిగల్ మేజర్ న్యూస్ : మేడ్చల్ జిల్లా బీఆర్ఎస్ పార్టీ అధ్యక్షుడు, ఎమ్మెల్సీ శంభీపూర్ రాజును దసరా పండుగ సందర్భంగా కుత్బుల్లాపూర్ నియోజకవర్గానికి చెందిన పలువురు నాయకులు, కార్యకర్తలు, తాజా మాజీ ప్రజాప్రతినిధులు, వివిధ కాలనీల ప్రతినిధులు గురువారం కలిశారు. దుందిగల్ మున్సిపాలిటీ పరిధిలోని శంభీపూర్‌లో ఉన్న ఆయన కార్యాలయంలో ఈ భేటీ జరిగింది. ఈ సందర్భంగా ఎమ్మెల్సీ శంభీపూర్ రాజును శాలువాలతో సత్కరించి దసరా పండుగ శుభాకాంక్షలు తెలిపారు. పండుగను పురస్కరించుకుని కార్యాలయానికి చేరుకున్న నాయకులు, కార్యకర్తలు, కాలనీల ప్రతినిధులతో సందడి నెలకొంది. ఈ సందర్భంగా పరస్పరం పండుగ శుభాకాంక్షలు తెలియజేసుకుంటూ దసరా పండుగను ఆనందోత్సాహాల మధ్య జరుపుకోవాలని ఆకాంక్షించారు. ఈ కార్యక్రమంలో కుత్బుల్లాపూర్ నియోజకవర్గానికి చెందిన పలువురు బీఆర్ఎస్ నాయకులు, కార్యకర్తలు, స్థానిక ప్రతినిధులు పాల్గొన్నారు.