భక్తిశ్రద్ధలతో దుర్గమ్మకు ఘనంగా వీడ్కోలు కన్నుల పండువగా దుర్గమ్మ శోభాయాత్ర

కొల్చారం;దుర్గమ్మ శరన్నవరాత్రి ఉత్సవాల్లో భాగంగా అమ్మవారిని వివిధ రూపాల్లో అలంకరించి భక్తిశ్రద్ధలతో ప్రత్యేక పూజలు నిర్వహించారు. నవరాత్రి ఉత్సవాల ముగింపు సందర్భంగా దుర్గమ్మ నిమజ్జనానికి భారీ ఏర్పాట్లు చేపట్టి అమ్మవారికి ఘనంగా వీడ్కోలు పలికారు.దుర్గ భవాని అమ్మవారు వీధుల గుండా శోభాయాత్రగా భక్తులకు దర్శనమివ్వడంతో భక్తులు పెద్ద ఎత్తున పాల్గొన్నారు. అమ్మవారికి మంగళహారతులు అందిస్తూ భక్తితో మొక్కులు చెల్లించుకున్నారు. అనంతరం భక్తులకు అమ్మవారి ప్రసాదాన్ని పంపిణీ చేశారు. భక్తుల కోలాహలం, ఆధ్యాత్మిక వాతావరణం మధ్య దుర్గమ్మ శోభాయాత్ర కన్నుల పండువగా సాగింది.ఈ కార్యక్రమంలో కొల్చారం ఉపసర్పంచ్ కోరంపల్లి రాణి గోపి తో పాటు దుర్గ భవాని ఉత్సవ కమిటీ సభ్యులు, భక్తులు పెద్ద సంఖ్యలో పాల్గొని అమ్మవారికి భక్తిపూర్వకంగా వీడ్కోలు పలికారు.