తెలంగాణ ఆత్మగౌరవానికి ప్రతీక బతుకమ్మ…..

ఎమ్మెల్యే వీర్లపల్లి శంకర్, మున్సిపల్ చైర్మన్ బసవేశ్వర్….

 షాద్ నగర్ లో ఘనంగా బతుకమ్మ సంబరాలు…

 తెలంగాణ ఆడబిడ్డల ఆత్మగౌరవానికి ప్రతీక బతుకమ్మ పండుగ అని షాద్నగర్ ఎమ్మెల్యే వీర్లపల్లి శంకర్ మున్సిపల్ చైర్మన్ బసవేశ్వరులు అన్నారు. ప్రకృతిని పూజించే గొప్ప సంప్రదాయానికి ప్రతీక అయిన బతుకమ్మ పండుగ వేడుకలు షాద్ నగర్ లో ఘనంగా జరిగాయి. పట్టణంలోని బుగ్గారెడ్డి గార్డెన్స్ బతుకమ్మ పాటలు, ఆటలతో మార్మోగిపోయింది. 

ఎన్ ఎస్ యు ఐ, యూత్ కాంగ్రెస్ ఆధ్వర్యంలో నిర్వహించిన ఈ సంబరాలకు ముఖ్య అతిథులుగా షాద్ నగర్ ఎమ్మెల్యే వీర్లపల్లి శంకర్, మున్సిపల్ చైర్మన్ అగ్గనూర్ బసవేశ్వర్, వైస్ చైర్మన్ అందె మోహన్ ముదిరాజ్ హాజరై సందడి చేశారు. రంగురంగుల పూలతో పేర్చిన బతుకమ్మల చుట్టూ మహిళలు, యువతులు ఆడిపాడిన తీరు అందరినీ ఆకట్టుకుంది. తెలంగాణ సంస్కృతి, సంప్రదాయాలను భావితరాలకు తీసుకెళ్లాల్సిన అవసరాన్ని నాయకులు ఈ సందర్భంగా గుర్తు చేశారు. ఈ కార్యక్రమంలో మాజీ జడ్పీటీసీ విశాల శ్రావణ్ రెడ్డి, పట్టణ అధ్యక్షుడు నల్లమోని శ్రీధర్ ముదిరాజ్, రఘు నాయక్, కౌన్సిలర్ సి.పెంటయ్య, మురళీ మోహన్, కొప్పునూరి ప్రవీణ్ తదితరులతో పాటు పెద్ద సంఖ్యలో కళాశాల విద్యార్థులు, మహిళలు, యూత్ కాంగ్రెస్ నాయకులు పాల్గొన్నారు.

M. నరసింహ రెడ్డి మేజర్ న్యూస్ ఫరూక్ నగర్…