సింగారం అభ్యుదయ సంఘం ఆధ్వర్యంలో గణేష్ అన్నప్రసాద వితరణ

అధిక సంఖ్యలో హాజరై తీర్ధ ప్రసాదాలు స్వీకరించిన గ్రామస్తులు

మునుగోడు,మేజర్ న్యూస్:

గణేష్ నవరాత్రి ఉత్సవాల్లో భాగంగా మండలంలోని సింగారం గ్రామంలో అభ్యుదయ సంఘం ఆధ్వర్యంలో గణేష్ అన్నప్రసాద వితరణ కార్యక్రమాన్ని ఈరోజు మండపం నిర్వాహకులు ఘనంగా నిర్వహించారు. గ్రామ కూడలిలో ఏర్పాటు చేసిన గణనాథుడి మండపం వద్ద ప్రత్యేక పూజలు నిర్వహించి అనంతరం భక్తులకు అన్నప్రసాదాన్ని అందజేశారు.
ఈ సందర్భంగా అధిక సంఖ్యలో గ్రామస్తులు, భక్తులు పాల్గొని తీర్థప్రసాదాలు, అన్నప్రసాదాన్ని స్వీకరించారు. దీంతో గ్రామ కూడలి భక్తులతో సందడిగా మారి పండుగ వాతావరణం నెలకొంది. ఉత్సవాలను ప్రశాంతంగా, భక్తిశ్రద్ధలతో నిర్వహిస్తున్న అభ్యుదయ సంఘం సభ్యులను గ్రామస్తులు అభినందించారు.