telanagana
ధమ్మచక్ర దినోత్సవానికి రెంజర్ల రాజేష్‌
సూర్య వాంకిడి : కుమురం భీమ్‌ ఆసిఫాబాద్‌ జిల్లా కేంద్రంలోని లుంబిని దీక్షాభూమిలో ఈ నెల 29న నిర్వహించనున్న 70వ అశోక ధమ్మచక్ర పరివర్తన దినోత్సవానికి రాజ్యాంగ రక్షణా దళ్‌ వ్యవస్థాపకుడు రెంజర్ల రాజేష్‌ హాజరుకానున్నారు. ఈ మేరకు కార్యక్రమానికి సంబంధించిన పాంప్లెట్‌ను ఆయన విడుదల చేశారు.డాక్టర్‌ బాబాసాహెబ్‌ అంబేద్కర్‌ సెంటర్‌ కమిటీ ప్రధాన కార్యదర్శి దుర్గం ప్రశాంత్‌ రెంజర్ల రాజేష్‌ను మర్యాదపూర్వకంగా కలిసి కార్యక్రమ వివరాలను తెలిపారు. ఈ సందర్భంగా ధమ్మచక్ర పరివర్తన దినోత్సవం ప్రాముఖ్యతను ప్రజల్లోకి విస్తృతంగా తీసుకెళ్లాలని కోరారు. అంబేద్కర్‌ ఆశయాల సాధన, రాజ్యాంగ పరిరక్షణతోపాటు సమానత్వం, స్వేచ్ఛ, సౌభ్రాతృత్వం, సామాజిక న్యాయం కోసం ప్రతి ఒక్కరూ కృషి చేయాలని పిలుపునిచ్చారు.ఈ నెల 29న లుంబిని దీక్షాభూమిలో నిర్వహించనున్న కార్యక్రమానికి ధమ్మబాంధవులు, బౌద్ధ ఉపాసకులు, అంబేద్కర్‌వాదులు, యువత, ప్రజాసంఘాల నాయకులు పెద్ద సంఖ్యలో హాజరై విజయవంతం చేయాలని దుర్గం ప్రశాంత్‌ కోరారు.
