భారత్‌పై 405 పరుగుల భారీ స్కోరు

వెస్టిండీస్‌: భారత్‌తో జరుగుతున్న రెండో వన్డేలో వెస్టిండీస్‌ బ్యాటర్లు చెలరేగిపోయారు. నిర్ణీత 50 ఓవర్లలో 7 వికెట్ల నష్టానికి 405 పరుగుల భారీ స్కోరు సాధించారు. కరేబియన్‌ జట్టుకు చెందిన ఏకంగా ముగ్గురు బ్యాటర్లు సెంచరీలు నమోదు చేయడం ఈ ఇన్నింగ్స్‌లో ప్రత్యేకతగా నిలిచింది.

వెస్టిండీస్‌ వన్డే చరిత్రలో ఒకే మ్యాచ్‌లో ముగ్గురు బ్యాటర్లు శతకాలు బాదడం ఇదే తొలిసారి. భారత బౌలర్లు పూర్తిగా తేలిపోయారు. భారీగా పరుగులు సమర్పించుకుంటూ విండీస్‌ బ్యాటర్లను కట్టడి చేయడంలో విఫలమయ్యారు.

భారత్‌ తరఫున గూర్నూర్, రవీంద్ర జడేజా, కుల్దీప్‌ యాదవ్‌ తలో రెండు వికెట్లు తీశారు. అయితే పరుగులను నియంత్రించడంలో మాత్రం భారత బౌలర్లు విఫలమయ్యారు. గూర్నూర్‌ తన కోటా ఓవర్లలో 96 పరుగులు సమర్పించుకోగా.. ఆకిబ్‌ నబీ 84 పరుగులు ఇచ్చాడు.

405 పరుగుల లక్ష్యంతో భారత్‌ బరిలోకి దిగనుంది.