జైపూర్ వాచ్ కంపెనీ వినూత్న ఆవిష్కరణ: డ్యూయల్ సైడెడ్ ఫ్లిప్ వాచ్ శ్రేణి 'అక్ష' విడుదల..
సూర్య లైఫ్‌స్టైల్ & కార్పొరేట్ డెస్క్: భారతీయ లగ్జరీ వాచ్ బ్రాండ్ ‘జైపూర్ వాచ్ కంపెనీ’ సరికొత్త కాన్సెప్ట్‌తో కూడిన 'అక్ష' డ్యూయల్-సైడెడ్ ఫ్లిప్ వాచ్ కలెక్షన్‌ను మార్కెట్లోకి విడుదల చేసింది. ఆకర్షణీయమైన, సన్నని డిజైన్‌తో పాటు వినూత్నమైన రొటేషనల్ ఫ్లిప్ మెకానిజమ్‌తో ఈ శ్రేణి గడియారాలను రూపొందించారు.
వెనుక వైపు వ్యక్తిగత సందేశాల ఎన్‌గ్రేవింగ్:
ఈ వాచ్ ప్రత్యేకత ఏంటంటే, వాచ్ డయల్‌ను సులభంగా తిప్పి చూసే వీలుంటుంది. దీనివల్ల డయల్ వెనుక భాగాన్ని ఖాతాదారులు తమకు నచ్చిన విధంగా అనుకూలీకరించుకోవచ్చు : వెనుక వైపు ప్రియమైన వారి పేర్లు, ప్రత్యేక సందేశాలు లేదా జ్ఞాపకాలను లేజర్ ఎన్‌గ్రేవింగ్ ద్వారా ముద్రించుకోవచ్చు. సంస్కృత పదం 'అక్ష' (అక్షం లేదా తిరిగే భాగం) ఆధారంగా దీనికి నామకరణం చేశారు.
నాలుగు విభిన్న మోడళ్లలో లభ్యం:
ఈ వాచ్ కలెక్షన్‌ను సహజసిద్ధమైన, అత్యంత నాణ్యమైన ముడిపదార్థాలతో కూడిన నాలుగు ప్రత్యేక డయల్ వేరియంట్లలో అందుబాటులోకి తీసుకువచ్చారు: వుడ్ : క్లాసిక్ సహజ కలప ఫినిషింగ్. మార్బుల్ : రాయల్ లుక్ ఇచ్చే పాలరాతి డిజైన్. మదర్-ఆఫ్-పెర్ల్ : మెరిసే సహజ ముత్యపు చిప్ప ఆకృతి. అబలోన్ : సముద్రపు జీవుల షెల్స్‌తో కూడిన రంగురంగుల కళాత్మక డయల్. భారతీయ సంస్కృతి, ఆధునిక లగ్జరీ జీవనశైలిని మిళితం చేస్తూ రూపొందించిన ఈ వాచ్‌లు బహుమతులుగా ఇచ్చేందుకు, ప్రత్యేకమైన వ్యక్తిగత స్టైల్ స్టేట్‌మెంట్‌కు అనువైనవిగా నిలుస్తాయని కంపెనీ పేర్కొంది.
