విశ్వం విద్యార్థినులకు సీతారాం జిందాల్ స్కాలర్ షిప్స్ : కళాశాల చైర్మన్ ఎం.ప్రభాకర్ రెడ్డి ప్రశంసలు

మదనపల్లె,మేజర్ న్యూస్ : మదనపల్లె సమీపంలోని విశ్వం ఇంజినీరింగ్ కళాశాలకు చెందిన ముగ్గురు ఎంసీఏ రెండవ సంవత్సరం విద్యార్థినులు ప్రతిష్టాత్మకమైన సీతారాం జిందాల్ ఫౌండేషన్ స్టూడెంట్ వెల్ఫేర్ స్కాలర్ షిప్స్ కి ఎంపికయ్యారు.2026-2027 విద్యా సంవత్సరానికి గాను వీరికి మొత్తం రూ.23,100/- స్కాలర్ షిప్ మంజూరైంది.కూనంక మమత,ముకంద్ల స్వాతి,మోదం జానకిలు స్కాలర్షిప్స్ కి ఎంపికైన వారిలో ఉన్నారు.ఈ సందర్భంగా బుధవారం విశ్వం గ్రూప్ ఆఫ్ ఇనిస్టిట్యూషన్స్ చైర్మన్ ఎం.ప్రభాకర్ రెడ్డి ముగ్గురు విద్యార్థినులను అభినందించారు.ఇలాంటి స్కాలర్ షిప్ ల వల్ల విద్యార్థులు తమ టెక్నికల్ స్కిల్స్,ప్రాబ్లం సాల్వింగ్ స్కిల్స్,ఇంటర్ పర్సనల్ స్కిల్స్ తోపాటు కార్పొరేట్ అవసరాలకు అనుగుణంగా ఎదగడానికి ఉపయోగపడతాయన్నారు.విద్యార్థులందరూ ఇలాంటి సంక్షేమ స్కాలర్ షిప్ లను పొంది ప్రయోజనం పొందాలని సూచించారు.ఈ కార్యక్రమంలో కళాశాల చైర్మన్ ఎం.ప్రభాకర్ రెడ్డి,ఎగ్జిక్యూటివ్ డైరెక్టర్ ఎం.లావణ్య రెడ్డి,డైరెక్టర్ ఎం.నందితా రెడ్డి,ప్రిన్సిపాల్ డాక్టర్ బి.డి.వెంకటరమణ రెడ్డి,వైస్ ప్రిన్సిపాల్ డాక్టర్ బి.సుబ్బారెడ్డి,ఎంసీఏ విభాగాధిపతి డాక్టర్ ఎం.జయకామేశ్వరయ్య,సీఎస్ఈ అసిస్టెంట్ ప్రొఫెసర్ మరియు స్టూడెంట్ స్కాలర్ షిప్ కో-ఆర్డినేటర్ మౌలాలి షేక్ మరియు అధ్యాపకులు విద్యార్థినులను అభినందించారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి