బ్రహ్మంగారిమఠం మేజర్ న్యూస్, కడప జిల్లా బ్రహ్మంగారిమఠం పట్టణంలోని అమ్మవారి శాలలో శ్రీ వాసవీమాత శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఈ సందర్భంగా ఆదివారం మాజీ మంత్రి డీఎల్ రవీంద్రారెడ్డి అమ్మవారిని దర్శించుకుని ప్రత్యేక పూజలు నిర్వహించారు. ఆలయానికి విచ్చేసిన ఆయనకు ఆర్యవైశ్య సభ అధ్యక్షుడు అయ్యప్ప వెంకట సురేష్‌బాబు ఆధ్వర్యంలో కమిటీ సభ్యులు పూర్ణకుంభంతో ఘనస్వాగతం పలికారు. అనంతరం డీఎల్‌ను శాలువాతో ఘనంగా సత్కరించారు. ఈ కార్యక్రమంలో సీనియర్ నాయకులు ఎస్ఆర్ శ్రీనివాస్‌రెడ్డి, ముడమాల పోలిరెడ్డి, బీఎస్ నారాయణరెడ్డి, బీసీ చైతన్య సమితి మండల అధ్యక్షుడు మల్లెల బాలకృష్ణతో పాటు పలువురు నాయకులు పాల్గొన్నారు. ఆర్యవైశ్య సభ మాజీ అధ్యక్షుడు బన్నూరు కృష్ణమూర్తి, కార్యదర్శి సుంకు సురేష్, కోశాధికారి దుగ్గిశెట్టి వెంకటేశ్వర్లు, యువజన సంఘం అధ్యక్షుడు యాదళ్ల వెంకటసుబ్బయ్య, కమిటీ సభ్యులు, భక్తులు పాల్గొన్నారు.

కడప జిల్లా బ్యూరో: బ్రహ్మానంద రెడ్డి