తీపర్రు ఎంపీటీసీ కరటూరి సుబ్బారావుకు బూరుగుపల్లి శేషారావు అభినందనలు

                రానున్న పంచాయతీ ఎన్నికల్లోనూ కూటమి విజయమే లక్ష్యంగా పనిచేయాలి: శేషారావు

పెరవలి మేజర్ న్యూస్ :తూర్పుగోదావరి జిల్లా పెరవలి మండలం తీపర్రు గ్రామంలో ఇటీవల జరిగిన ఎంపీటీసీ ఎన్నికల్లో భారతీయ జనతా పార్టీ అభ్యర్థిగా పోటీ చేసి విజయం సాధించిన కరటూరి సుబ్బారావు నవంబర్ 12వ తేదీ గురువారం స్థానిక జనసేన, తెలుగుదేశం పార్టీ నాయకులతో కలిసి రాష్ట్ర నైపుణ్యాభివృద్ధి సంస్థ చైర్మన్ బూరుగుపల్లి శేషారావును మర్యాదపూర్వకంగా కలిశారు.ఈ సందర్భంగా బూరుగుపల్లి శేషారావు మాట్లాడుతూ ఇటీవల జరిగిన ఎంపీటీసీ, జడ్పీటీసీ ఎన్నికల్లో కూటమి అభ్యర్థులు ఘనవిజయం సాధించడం పట్ల హర్షం వ్యక్తం చేశారు. ఇదే ఐక్యత, సమన్వయంతో రానున్న గ్రామ పంచాయతీ ఎన్నికల్లోనూ పెరవలి మండలంలోని అన్ని గ్రామాల్లో కూటమి అభ్యర్థులు విజయం సాధించే దిశగా నాయకులు, కార్యకర్తలు సమష్టిగా కృషి చేయాలని పిలుపునిచ్చారు.ఈ కార్యక్రమంలో కూటమి నాయకులు ప్రత్తిపాటి ప్రసాద్ కుమార్, మొగలపు సీతారాం, నందమూరి నారాయణరావు, కంటిపూడి సూర్యనారాయణ, సింహాద్రి సత్యనారాయణ తదితరులు పాల్గొన్నారు.