పులివెందులలో వైఎస్ఆర్సిపి కార్యకర్తలపై ఆగని దాడులు వాహనాల దహన సంఘటన స్థలాన్ని పరిశీలించిన కడప ఎంపీ వైయస్ అవినాష్ రెడ్డి

పులివెందుల మేజర్ న్యూస్‌:
పులివెందులలో వైఎస్సార్‌సీపీ కార్యకర్తలు, కౌన్సిలర్‌ అభ్యర్థులపై దాడులు ఆగడం లేదని కడప ఎంపీ వైఎస్‌ అవినాష్‌రెడ్డి విమర్శించారు. పులివెందులలో కౌన్సిలర్‌ అభ్యర్థుల ఇళ్ల వద్ద వాహనాల దహనం జరిగిన ఘటనాస్థలాన్ని ఆయన పరిశీలించారు.
ఈ సందర్భంగా ఎంపీ అవినాష్‌రెడ్డి మాట్లాడుతూ.. గత వారం రోజులుగా టీడీపీ నాయకులు ఇష్టారాజ్యంగా వ్యవహరిస్తూ దాడులకు పాల్పడుతున్నారని ఆరోపించారు. వాహనాలు, దుకాణాలకు నిప్పంటించడం, కాల్పుల ఘటనలకు పాల్పడటం వంటి చర్యలతో ప్రజల్లో భయాందోళనలు సృష్టిస్తున్నారని విమర్శించారు.
ఎన్నికల్లో గెలవలేమనే భయంతోనే ప్రత్యర్థులపై దాడులకు దిగుతున్నారని ఆయన ఆరోపించారు. ఎంపీటీసీ, జడ్పీటీసీ అభ్యర్థులు నామినేషన్లు దాఖలు చేయకుండా అడ్డుకోవడంతోపాటు, కొందరిని అరెస్టు చేశారని పేర్కొన్నారు. ప్రజాస్వామ్యబద్ధంగా ఎన్నికలు జరగాల్సిన సమయంలో ఇలాంటి ఘటనలు చోటుచేసుకోవడం ఆందోళనకరమని అన్నారు.

పి కృష్ణ పులివెందుల స్టాప్ రిపోర్టర్ కడప జిల్లా