ప్రచారంలో మేకల మధు పావని దూకుడు.. భారీ మెజార్టీ లక్ష్యంగా ముందుకు!
నెల్లూరు రూరల్, మేజర్ న్యూస్ : నెల్లూరు రూరల్ పరిధిలోని మూడో డివిజన్‌లో తెలుగుదేశం పార్టీ కార్పొరేటర్ అభ్యర్థి మేకల మధు పావని విస్తృతంగా ఎన్నికల ప్రచారం నిర్వహిస్తున్నారు. డివిజన్‌లోని ప్రతి ప్రాంతంలో ఇంటింటికీ వెళ్లి స్థానిక ఓటర్లను కలుస్తూ తనకు ఓటు వేసి గెలిపించాలని విజ్ఞప్తి చేస్తున్నారు. టీడీపీ నేత మేకల అనిల్ మొదటి నుంచి పార్టీని నమ్ముకుని పనిచేస్తూ స్థానికంగా పార్టీ కార్యక్రమాల్లో చురుకుగా పాల్గొంటున్నారు. నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి, టీడీపీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి ఆశీస్సులతో మేకల మధు పావనికి కార్పొరేటర్ అభ్యర్థిగా అవకాశం లభించింది. ఈ నేపథ్యంలో డివిజన్‌లో భారీ మెజార్టీ సాధించడమే లక్ష్యంగా మేకల మధు పావని, మేకల అనిల్ ప్రచారాన్ని ముమ్మరం చేస్తున్నారు. స్థానికులను నేరుగా కలుస్తూ వారి మద్దతు కోరుతున్నారు.
