పెండింగ్ సమస్యల పరిష్కారానికి కృషి చేస్తా అలపర్తి విద్యాసాగర్

పెండింగ్‌ సమస్యల పరిష్కారానికి కృషి చేస్తా

ఏపీ ఎన్జీవోస్‌ రాష్ట్ర అధ్యక్షుడు అలపర్తి విద్యాసాగర్‌ హామీ

సచివాలయ ఉద్యోగుల సమస్యలకు త్వరలో పరిష్కారం పెండింగ్‌ నోషనల్‌ ఇంక్రిమెంట్లు, ప్రమోషన్లపై విద్యాసాగర్‌ హామీ

పులివెందుల మేజర్ న్యూస్:

ఉద్యోగుల పెండింగ్‌ సమస్యల పరిష్కారానికి ప్రభుత్వ స్థాయిలో సాధ్యమైనంత త్వరగా కృషి చేస్తామని ఏపీ ఎన్జీవోస్‌ రాష్ట్ర అధ్యక్షుడు, ఏపీ జేఏసీ చైర్మన్‌ అలపర్తి విద్యాసాగర్‌ హామీ ఇచ్చారు. ఉద్యోగుల సమస్యలను తన దృష్టికి తీసుకొచ్చిన పులివెందుల తాలూకా ఏపీ ఎన్జీవోస్‌ ప్రతినిధులకు ఆయన సానుకూలంగా స్పందించారు.
విజయవాడలోని ఏపీ ఎన్జీవోస్‌ భవన్‌లో రాష్ట్ర అధ్యక్షుడు అలపర్తి విద్యాసాగర్‌, జనరల్‌ సెక్రటరీ డి.వి.రమణ, ఏపీ జేఏసీ సెక్రటరీ జనరల్‌ కేఎస్‌ఎస్‌ ప్రసాద్‌లను పులివెందుల తాలూకా గ్రామ, వార్డు సచివాలయ ఉద్యోగులు, విశ్రాంత ఉద్యోగులు తాలూకా ఏపీ ఎన్జీవోస్‌ అధ్యక్షుడు గజ్జల జగన్నాథరెడ్డి ఆధ్వర్యంలో మర్యాదపూర్వకంగా కలిశారు.
ఈ సందర్భంగా గ్రామ, వార్డు సచివాలయ ఉద్యోగులకు సంబంధించి పెండింగ్‌లో ఉన్న నోషనల్‌ ఇంక్రిమెంట్లతో పాటు ఇతర సమస్యల పరిష్కారానికి ప్రభుత్వం నుంచి ఉత్తర్వులు ఇప్పించాలని రాష్ట్ర అధ్యక్షుడు విద్యాసాగర్‌ను కోరారు. ముఖ్యంగా గ్రామ సచివాలయాల్లో పనిచేస్తున్న వెల్ఫేర్‌ అసిస్టెంట్లకు ప్రమోషన్‌ ఛానల్‌, జాబ్‌చార్ట్‌ అంశాలను ఆయన దృష్టికి తీసుకెళ్లారు.
అదేవిధంగా వైద్య, ఆరోగ్య శాఖలో పనిచేస్తున్న కాంట్రాక్ట్‌ స్టాఫ్‌ నర్సుల తరఫున 100 శాతం గ్రాస్‌ శాలరీ, రెగ్యులరైజేషన్‌ తదితర సమస్యలను కూడా ప్రతినిధులు వివరించారు. ఉద్యోగుల సమస్యలను సావధానంగా విన్న విద్యాసాగర్‌ సానుకూలంగా స్పందించి, పెండింగ్‌ అంశాల పరిష్కారానికి తన వంతు కృషి చేస్తానని హామీ ఇచ్చారు. ఈ కార్యక్రమంలో గ్రామ వార్డు సచివాలయ ఉద్యోగుల సంఘం తరపున పత్తే గంగయ్య మరియు విశ్రాంతి ఉద్యోగులు పులివెందుల తాలూకా ఏపీ ఎన్జీవోస్ అధ్యక్షులు గజ్జల జగన్నాథ రెడ్డి  ఆధ్వర్యంలో కలిసి
రాష్ట్ర అధ్యక్షుడు అలపర్తి విద్యాసాగర్‌కు ప్రత్యేక కృతజ్ఞతలు తెలిపారు