ఎర్రన్న కొట్టాలు పేరు మార్చడం తగదు

ప్రొద్దుటూరు మేజర్ న్యూస్: గతంలో మున్సిపల్ ఆరో వార్డును ఎర్రన్న కొట్టాలు అని పిలిచేవారు ఇప్పుడు డ్రైవర్ కొట్టాలు గా చేర్చడం తగదని ఏపీ ఎమ్మార్పీఎస్ రాష్ట్ర అధికార ప్రతినిధి ఏ.సుధాకర్ మాదిగ అభ్యంతరం వ్యక్తం చేశారు. ప్రొద్దుటూరు రెవిన్యూ అధికారులు, మున్సిపల్ అధికారులు ముఖ్యంగా తెలుసుకొని ఎర్రన్న అంటే మాజీ కౌన్సిలర్ ఆ ఏరియాలో గతంలో ఆ స్థలాలు పేదలకు పంచడంలో ముఖ్యపాత్ర పోషించినటువంటి దళిత నాయకుడు ఇప్పుడు ఒకటో వార్డుగా డ్రైవర్ కొట్టాలని ప్రకటించడం జరిగింది. ఎంత దారుణం అంటే ప్రొద్దుటూరులో ఒక దళిత నాయకులు పేరుమీద ఒక వీధి ఉండకూడదని వార్డు పేరే మార్చేసి డ్రైవర్ కొట్టాలు గా మార్చడం ఏపీ ఎంఆర్పిఎస్ నుండి మేము ఖండిస్తున్నాం అన్నారు. తహశీల్దార్,  మున్సిపల్ కమిషనర్ దీనిపైన మళ్లీ విచారణ చేసి ఒకటో వార్డును ఎర్రన్న కొట్టాలుగా మార్చాలని సూచించారు. దళితులపైన కుల వివక్షత ఉండకూడదు అని  తెలిపారు. దళిత నాయకుని పేరు ఉండకూడదని కుట్ర అనేది జరిగిందని మేము భావిస్తున్నామని వివరించారు.