మతాలు వేరైనా మనుషులు ఒక్కటే

మతాలు వేరైనా.. మనసులు ఒక్కటే!

హిందూ–ముస్లిం ఐక్యతకు ప్రతీకగా పులివెందుల వినాయక చవితి వేడుకలు

గణనాథునికి ప్రత్యేక పూజలు.. భక్తులకు అన్నప్రసాదం వడ్డించిన బీటెక్ రవి, అజ్జుగుట్టు రఘునాథరెడ్డి

పులివెందుల మేజర్ న్యూస్:

పులివెందుల: హిందూ–ముస్లిం సోదరుల ఐక్యత, మత సామరస్యం, పరస్పర గౌరవానికి పులివెందులలో నిర్వహించిన వినాయక చవితి వేడుకలు చక్కని నిదర్శనంగా నిలిచాయి. పట్టణంలోని మారుతి హాల్ రోడ్డులో పెనుకొండ తరుణ్ (అలియాస్ R15) చిన్న ఆధ్వర్యంలో ఏకలవ్య అసోసియేషన్ కమిటీ ఏర్పాటు చేసిన గణేష్ మండపంలో బుధవారం ప్రత్యేక పూజా కార్యక్రమాలు భక్తిశ్రద్ధలతో నిర్వహించారు.
ఈ కార్యక్రమానికి పులివెందుల టీడీపీ ఇంచార్జ్ బీటెక్ రవి, వేంపల్లె టీడీపీ ఇంచార్జ్ అజ్జుగుట్టు రఘునాథరెడ్డి హాజరై గణనాథునికి ప్రత్యేక పూజలు నిర్వహించారు.
అనంతరం రాష్ట్ర ఉర్దూ అకాడమీ & హజ్ కమిటీ డైరెక్టర్ మహబూబ్ బాషా ఖాసీం, ఏకలవ్య అసోసియేషన్ కమిటీ అధ్యక్షుడు పెనుకొండ తరుణ్ (అలియాస్ R15) చిన్న, కూటమి నాయకులు, కార్యకర్తలు, హిందూ–ముస్లిం సోదరులతో కలిసి భక్తులకు అన్నప్రసాదం వడ్డించారు. నాయకులు స్వయంగా భక్తులకు అన్నప్రసాదం అందిస్తూ సోదరభావంతో వేడుకల్లో పాల్గొన్నారు.

ఐక్యతకు వేదికగా గణేష్ మండపం

హిందూ–ముస్లిం సోదరులు కలిసి గణేష్ మండపం ఏర్పాటు చేయడం, ప్రత్యేక పూజల్లో పాల్గొనడం, అనంతరం భక్తులకు అన్నప్రసాదం అందించడం పులివెందులలోని మత సామరస్యానికి ప్రతీకగా నిలిచింది. “మతాలు వేరైనా.. మనసులు ఒక్కటే” అనే సందేశాన్ని ఈ వేడుకలు చాటిచెప్పాయి.
కార్యక్రమంలో ఏకలవ్య అసోసియేషన్ కమిటీ సభ్యులు, హిందూ–ముస్లిం సోదరులు, స్థానిక నాయకులు, కార్యకర్తలు, భక్తులు పెద్ద సంఖ్యలో పాల్గొన్నారు.

శోభాయాత్రకు భారీగా తరలిరావాలి

రేపు నిర్వహించనున్న గణేష్ శోభాయాత్రకు భక్తులు, ప్రజలు పెద్ద సంఖ్యలో హాజరై విజయవంతం చేయాలని ఏకలవ్య శిష్యులు పిలుపునిచ్చారు