పెద్దమ్మతల్లికి రాజరాజేశ్వరిదేవి అలంకరణ

పెద్దమ్మతల్లికి రాజరాజేశ్వరిదేవి అలంకరణ:సిఎస్ పురం,మేజర్ న్యూస్,,విజయదశమి పండుగ సందర్భంగా గురువారం సిఎస్ పురంలోని వి.ఆర్.నగర్ నందు వెలసిన శ్రీరాచూరి పెద్దమ్మతల్లి దేవస్థానం నందు పెద్దమ్మతల్లిని శ్రీరాజరాజేశ్వరిదేవిగా అలంకరణ చేసి అర్చకులు గురుచెన్నకేశవాచార్యలు అధ్వర్యంలో పూజలు నిర్వహించారు.ఈసందర్భంగా గురువారం ఉదయం దసరా సందర్భంగా పెద్దమ్మతల్లి మూలవిరాట్టుకు పంచామృత అభిషేకం నిర్వహించి అనంతరం పట్టువస్త్రాలు పూలమాలలతో రాజరాజేశ్వరిదేవిగా అలంకరణ చేసి కుంకుమార్చన విశేష పూజలు నిర్వహించారు. ఈసందర్భంగా భక్తులు అధికసంఖ్యలో పాల్గొని పెద్దమ్మతల్లిని దర్శించుకుని పూజలుచేసి తీర్ధప్రసాదాలు స్వీకరించారు.ఈసందర్భంగా విజయదశమి సందర్భంగా పట్టణ పరిసర గ్రామాల నుండి భక్తులు అధికసంఖ్యలో పాల్గొని అమ్మవారికి పూజలుచేసి తీర్ధప్రసాదాలు స్వీకరించారు. ఈసందర్భంగా దేవస్థానం కమిటీ పెద్దలు నిర్వాహకులు ప్రత్యేక ప్రసాదాలు పంపిణీ చేశారు.