నిరుద్యోగ యువతకు ఉపాధి అవకాశాలు

నేటి దినపత్రిక సూర్య బ్యూరో రాజమహేంద్రవరంతూర్పు గోదావరి జిల్లా ఉపాధి కార్యాలయం ఆధ్వర్యంలో నిరుద్యోగ యువతకు ఉపాధి అవకాశాలు కల్పించేందుకు రాజమహేంద్రవరం అర్బన్ నియోజకవర్గంలోని మోడల్ కెరీర్ సెంటర్‌లో  శుక్రవారం ఉదయం 9 గంటలకు జాబ్ మేళా నిర్వహించనున్నట్లు జిల్లా ఉపాధి అధికారి సి.హెచ్. శిరీష మంగళవారం ఒక ప్రకటనలో తెలిపారు.

 జాబ్ మేళాలో ప్రముఖ యాక్ట్ ఫైబర్ నెట్,  గణేష్ సెక్యూరిటీ సర్వీస్, కాలింగ్ భేల్ తదితర సంస్థల్లో పలు ఉద్యోగాల భర్తీకి ఇంటర్వ్యూలు నిర్వహించనున్నట్లు తెలిపారు. ఎంపికైన అభ్యర్థులకు తక్షణమే ఉద్యోగ అవకాశాలు కల్పిస్తారని పేర్కొన్నారు.

విద్యార్హత: పదో తరగతి, ఇంటర్మీడియట్, ఐటీఐ, డిప్లొమా లేదా ఏదైనా డిగ్రీ.

అనుభవం: సంబంధిత రంగంలో అనుభవం ఉన్నవారు లేదా ఉద్యోగం పట్ల ఆసక్తి ఉన్నవారు.

ఉద్యోగం: వివిధ సంస్థల్లో అందుబాటులో ఉన్న పోస్టులకు ఇంటర్వ్యూల ద్వారా అభ్యర్థుల ఎంపిక జరుగుతుంది.

ఆసక్తి గల అభ్యర్థులు మరిన్ని వివరాలకు 9398318601 ఫోన్ నంబర్‌ను సంప్రదించాలని జిల్లా ఉపాధి అధికారి సి.హెచ్. శిరీష కోరారు.