నగరపంచాయతీలో 8 మంది నామినేషన్లు దాఖలు

నెల్లిమర్ల, సూర్య : ​నెల్లిమర్ల నగరపంచాయతీ ఎన్నికల నామినేషన్ల పర్వం తొలిరోజే రసవత్తరంగా మారింది. శుక్రవారం నాడు ప్రారంభమైన నామినేషన్ల ప్రక్రియలో అభ్యర్థులు ఉత్సాహంగా నామినేషన్లు దాఖలు చేశారు. తొలి రోజు మొత్తం 8 నామినేషన్లు దాఖలైనట్లు నగరపంచాయతీ కమిషనర్ టి. గోవిందరావు వెల్లడించారు. ​మొత్తం దాఖలైన 8 నామినేషన్లలో వార్డు సభ్యులుగా 6 గురు, చైర్మన్ స్థానానికి ఇద్దరు అభ్యర్థులు తమ నామినేషన్ పత్రాలను సమర్పించారు. 
​5వ వార్డు తెలుగుదేశం పార్టీ  తరఫున ఒకరు నామినేషన్ దాఖలు చేశారు.
​9వ వార్డు వైఎస్సార్ కాంగ్రెస్ పార్టీ  తరఫున ఇద్దరు అభ్యర్థులు నామినేషన్లు వేశారు.
​10వ వార్డు తెలుగుదేశం పార్టీ తరఫున ఇద్దరు నామినేషన్ దాఖలు చేశారు.
​11వ వార్డు తెలుగుదేశం పార్టీ  తరఫున ఇద్దరు అభ్యర్థులు నామినేషన్లు వేశారు.
​16వ వార్డు తెలుగుదేశం పార్టీ తరఫున ఒకరు నామినేషన్ దాఖలు చేశారు.

​చైర్మన్ రేసులో ఊహించని పరిణామం..

​ఈ నామినేషన్ల ప్రక్రియలో అత్యంత ప్రాధాన్యత సంతరించుకున్న అంశం చైర్మన్ స్థానానికి సంబంధించిన రాజకీయ పరిణామం. ​ పొత్తులో భాగంగా నెల్లిమర్ల నగరపంచాయతీ చైర్మన్ సీటును భారతీయ జనతా పార్టీకి కేటాయించారు.

​టీడీపీ నుంచి నామినేషన్: 
కూటమి సీట్ల సర్దుబాటు ఇలా ఉంటే, తెలుగుదేశం పార్టీ తరఫున లెంక అప్పలనాయుడు చైర్మన్ స్థానానికి నామినేషన్ దాఖలు చేయడం స్థానిక రాజకీయ వర్గాల్లో తీవ్ర చర్చనీయాంశమైంది. ​కూటమి అంగీకారానికి భిన్నంగా టీడీపీ నుంచి నామినేషన్ దాఖలు కావడం రాబోయే రోజుల్లో రాజకీయ సమీకరణాలను ఏ విధంగా ప్రభావితం చేస్తుందనేది ఆసక్తికరంగా మారింది. రానున్న రోజుల్లో మరింత స్పష్టత వచ్చే అవకాశం ఉంది.

రిపోర్టర్ : రాజారావు, నెల్లిమార్ల, విజయనగరం జిల్లా.