మాజీ ఎంపీటీసీ భర్త మృతి.. కుటుంబాన్ని పరామర్శించిన బొమ్మన శ్రీరాంరెడ్డి

అనంతపురం బ్యూరో : సింగనమల మండలం మాజీ ఎంపీటీసీ కప్పల ఉమాదేవి భర్త, వైఎస్సార్‌సీపీ కార్యకర్త కప్పల నారాయణస్వామి అనారోగ్యంతో మృతి చెందారు. విషయం తెలుసుకున్న వైఎస్సార్‌సీపీ రాష్ట్ర రైతు విభాగం జనరల్ సెక్రెటరీ బొమ్మన శ్రీరాంరెడ్డి, సింగనమల యూత్ కన్వీనర్ దిద్దుకుంట భాస్కర్‌రెడ్డి మృతుడి కుటుంబాన్ని పరామర్శించారు.

కప్పల నారాయణస్వామి మృతదేహానికి పూలమాల వేసి నివాళులర్పించిన వారు, కుటుంబ సభ్యులకు ప్రగాఢ సానుభూతి తెలిపారు. నారాయణస్వామి మృతి పార్టీకి తీరని లోటని పేర్కొన్నారు. ఆయన కుటుంబానికి పార్టీ తరఫున అండగా ఉంటామని భరోసా కల్పించారు.

ఈ సందర్భంగా కుటుంబ సభ్యులను ఓదార్చి, మృతుడి ఆత్మకు శాంతి చేకూరాలని ఆకాంక్షించారు.

ఈ పరామర్శ కార్యక్రమంలో మండల మైనార్టీ అధ్యక్షుడు అప్పేచెర్ల అబ్దుల్, కొప్పెర్ల గోవింద్‌రెడ్డి, చింటూ, వీరాంజనేయులు, రాజు, ఉద్దాల నారాయణస్వామి, గోపి యాదవ్, చంద్రమౌళి యాదవ్, ఆలీ భాష తదితరులు పాల్గొని కుటుంబ సభ్యులను పరామర్శించారు.