కృష్ణునిపాలెం వైసీపీ ఎంపీటీసీ అభ్యర్థిగా గెడ్డం అనిల్

గోకవరం, మేజర్ న్యూస్ : గోకవరం మండలం కృష్ణునిపాలెం వైఎస్సార్ కాంగ్రెస్ పార్టీ ఎంపీటీసీ అభ్యర్థిగా గెడ్డం అనిల్ ఖరారయ్యారు. ఆర్ అండ్ ఆర్ కాలనీ, కృష్ణునిపాలెం ప్రాంతాలకు చెందిన వైసీపీ ముఖ్య నాయకులు, ఎస్సీ సామాజిక వర్గ నాయకులు, కార్యకర్తలు,అభిమానులు సమావేశమై చర్చించిన అనంతరం అనిల్ అభ్యర్థిత్వాన్ని ఖరారు చేశారు. ఆర్ అండ్ ఆర్ కాలనీలో దివంగత మాజీ ముఖ్యమంత్రి డాక్టర్ వైఎస్ రాజశేఖర్రెడ్డి విగ్రహం వద్ద ఈ సమావేశం నిర్వహించారు. యువకుడిగా, ఉత్సాహవంతుడిగా, పార్టీ పట్ల నిబద్ధత కలిగి ఉండటంతో పాటు ప్రజా సమస్యలపై అవగాహన ఉన్న వ్యక్తిగా గెడ్డం అనిల్ ను గుర్తించి ఎంపీటీసీ అభ్యర్థిగా ఎంపిక చేసినట్లు నాయకులు తెలిపారు.

 అనంతరం దివంగత నేత డాక్టర్ వైఎస్ రాజశేఖర్ రెడ్డి విగ్రహానికి పూలమాల వేసి ఘనంగా నివాళులర్పించారు. పార్టీ నాయకుల సమక్షంలో గెడ్డం అనిల్ కు నామినేషన్ ఫారాన్ని అందజేశారు. ఈ సందర్భంగా గెడ్డం అనిల్ మాట్లాడుతూ తనపై నమ్మకం ఉంచి ఎంపీటీసీ అభ్యర్థిగా అవకాశం కల్పించిన మండల, స్థానిక వైఎస్సార్సీపీ నాయకులకు, కార్యకర్తలకు, అభిమానులకు కృతజ్ఞతలు తెలిపారు. 

తాను చిన్నవాడినైనా తనను గుర్తించి ఎన్నికల బరిలో నిలిపినందుకు సంతోషం వ్యక్తం చేశారు. తన సామాజిక వర్గం సంపూర్ణ మద్దతు ప్రకటించడం ఆనందంగా ఉందని పేర్కొన్నారు. తనపై విశ్వాసం ఉంచిన ప్రతి ఒక్కరి నమ్మకాన్ని నిలబెట్టుకునేందుకు కృషి చేస్తానని తెలిపారు. ఈ కార్యక్రమంలో వైఎస్సార్సీపీ నాయకులు, కార్యకర్తలు, అభిమానులు పాల్గొన్నారు.