కంటి వెలుగుకి సేవా సంకల్పం
*కంటి వెలుగుకు ‘సేవా సంకల్పం’*
* కాకినాడలో 200 మందికి ఉచిత కంటి వైద్య సేవలు
* శ్రీకరం కంటి ఆసుపత్రి సౌజన్యంతో వైద్య శిబిరం
* బీజేపీ సిటీ వెస్ట్‌ మండలం ఆధ్వర్యంలో నిర్వహణ
* శిబిరాన్ని ప్రారంభించిన సాలగ్రామ లక్ష్మీప్రసన్న, బిక్కిన విశ్వేశ్వరరావు
కాకినాడ మేజర్ న్యూస్
సేవా సంకల్ప్‌ అభియాన్‌లో భాగంగా కాకినాడలో ఆదివారం ఉచిత కంటి వైద్య శిబిరం నిర్వహించారు. రాజాజీ వీధి నెల్లి అప్పన్న సెంటర్‌ వద్దనున్న అమ్మగారు ఆశ్రమంలో బీజేపీ కాకినాడ సిటీ వెస్ట్‌ మండల అధ్యక్షుడు దొడ్డి వీరేంద్ర ఆధ్వర్యంలో, శ్రీకరం కంటి ఆసుపత్రి సౌజన్యంతో నిర్వహించిన శిబిరంలో సుమారు 200 మందికి ఉచితంగా కంటి పరీక్షలు, వైద్య సేవలు అందించారు.
బీజేపీ రాష్ట్ర ప్రధాన కార్యదర్శి సాలగ్రామ లక్ష్మీప్రసన్న, బిక్కిన విశ్వేశ్వరరావు ముఖ్య అతిథులుగా హాజరై శిబిరాన్ని ప్రారంభించారు. ప్రధాని నరేంద్ర మోదీ జన్మదినాన్ని పురస్కరించుకుని చేపట్టిన సేవా కార్యక్రమాల్లో భాగంగా ప్రజలకు ఉపయోగపడే కంటి వైద్య శిబిరాన్ని నిర్వహించడం అభినందనీయమని లక్ష్మీప్రసన్న పేర్కొన్నారు. సేవా సంకల్ప్‌ అభియాన్‌లో భాగంగా కాకినాడ నగరంలో పలు సేవా కార్యక్రమాలు చేపడుతున్నట్లు బిక్కిన విశ్వేశ్వరరావు తెలిపారు.
కార్యక్రమంలో బీజేపీ నాయకులు పైడా కృష్ణమోహన్‌, తుమ్మల పద్మజ, యెనిమిరెడ్డి మాలకొండయ్య, గట్టి సత్యనారాయణ, పైడా భవానీప్రసాద్‌, యార్లగడ్డ రామకుమార్‌, చోడిశెట్టి రమేష్‌బాబు, కుండల సాయి, ఘంటసాల గోవిందరాజు, మారే బుజ్జి, చెక్క రమేష్‌, దొడ్డి అప్పలరాజు, నాగులకొండ భద్రినారాయణ, దొడ్డి శ్రీదుర్గ, పోలవరపు వరలక్ష్మి, గొల్లపల్లి శివతో పాటు కూటమి నాయకులు చక్రపాణి, కాకి శ్రీను, మవులూరి సురేష్‌, రాజు, రంగ, అబ్బాయి తదితరులు పాల్గొన్నారు.
