కౌంటింగ్ కేంద్రంలో భద్రతా ఏర్పాట్లను పరిశీలించిన జిల్లా ఎస్పీ

కౌంటింగ్ కేంద్రంలో భద్రతా ఏర్పాట్లను పరిశీలించిన జిల్లా ఎస్పీ

ఎలాంటి అవాంఛనీయ ఘటనలు జరగకుండా అప్రమత్తంగా ఉండాలి

మదనపల్లె, నవంబర్ 3:

మదనపల్లె ఆదిత్య ఇంజనీరింగ్ కళాశాలలో నిర్వహిస్తున్న మదనపల్లె మున్సిపాలిటీ ఎన్నికల ఓట్ల లెక్కింపు కేంద్రంలో భద్రతా ఏర్పాట్లను జిల్లా ఎస్పీ ధీరజ్ కునుబిల్లి పరిశీలించారు.

ఈ సందర్భంగా కౌంటింగ్ హాళ్లు, స్ట్రాంగ్ రూం పరిసరాలు, ప్రధాన ప్రవేశ ద్వారం వద్ద ఏర్పాటు చేసిన పోలీసు బందోబస్తును తనిఖీ చేశారు. అభ్యర్థులు, ఎన్నికల ఏజెంట్ల తనిఖీలతో పాటు అనుమతి లేని వ్యక్తులను కౌంటింగ్ కేంద్రంలోకి అనుమతించకుండా కట్టుదిట్టమైన చర్యలు తీసుకోవాలని పోలీసు సిబ్బందికి సూచించారు.

కౌంటింగ్ ప్రక్రియ ప్రశాంతంగా, ఎలాంటి అవాంఛనీయ ఘటనలు చోటుచేసుకోకుండా పటిష్టమైన భద్రతా ఏర్పాట్లు కొనసాగించాలని అధికారులను ఆదేశించారు. జిల్లా పోలీసులు నిరంతరం అప్రమత్తంగా ఉంటూ విధులు నిర్వహిస్తున్నారు.