అనంతపురం పార్లమెంట్ పరిధిలో కూటమి సమన్వయ సమావేశం
అనంతపురం పార్లమెంట్ పరిధిలో కూటమి సమన్వయ సమావేశం
స్థానిక సంస్థల ఎన్నికలపై మూడు పార్టీల నేతల చర్చ
అనంతపురం, సెప్టెంబర్ 29: అనంతపురం పార్లమెంట్ పరిధిలో స్థానిక సంస్థల ఎన్నికలకు సంబంధించి ఎన్డీఏ కూటమి స్థానిక సంస్థల సమన్వయ సమావేశం మంగళవారం అనంతపురం జిల్లా తెలుగుదేశం పార్టీ కార్యాలయంలో నిర్వహించారు. ఈ సమావేశంలో జనసేన, తెలుగుదేశం, భారతీయ జనతా పార్టీ నాయకులు పాల్గొని స్థానిక సంస్థల ఎన్నికలపై చర్చించారు.
జనసేన పార్టీ కేంద్ర కార్యాలయం ఆదేశాల మేరకు ఎన్టీఆర్ జిల్లా జనసేన పార్టీ అధ్యక్షుడు, అనంతపురం జిల్లా ఎన్నికల అబ్జర్వర్ సామినేని ఉదయభాను, అహుడా చైర్మన్ టీసీ వరుణ్తో కలిసి గుంతకల్ నియోజకవర్గం జనసేన పార్టీ సమన్వయకర్త వాసగిరి మణికంఠ సమావేశంలో పాల్గొన్నారు. అనంతరం కూటమి నాయకులతో స్థానిక సంస్థల ఎన్నికలకు సంబంధించిన అంశాలపై సుదీర్ఘంగా చర్చించారు.
అనంతపురం పార్లమెంట్ పరిధిలో స్థానిక సంస్థల ఎన్నికల్లో జనసేన, తెలుగుదేశం, బీజేపీ నాయకులు పరస్పర సమన్వయంతో పనిచేయాలని ఈ సందర్భంగా నేతలు సూచించారు. కూటమి అభ్యర్థుల విజయానికి మూడు పార్టీల శ్రేణులు సమష్టిగా కృషి చేయాలని పిలుపునిచ్చారు.
సమావేశంలో జనసేన పార్టీ జిల్లా ఉపాధ్యక్షుడు జయరామిరెడ్డి, జిల్లా కార్యదర్శి జయమ్మ, అనంతపురం నగర అధ్యక్షుడు పొదిలి బాబురావు, కళ్యాణదుర్గం పీఓసీ బాల్యం రాజేష్ పాల్గొన్నారు. తెలుగుదేశం పార్టీ తరఫున మాజీ మంత్రి ఏరాసు ప్రతాప్రెడ్డి, జిల్లా అధ్యక్షుడు పుల నాగరాజు, జోనల్ ఇన్చార్జ్ రెడ్డప్ప శ్రీనివాస్రెడ్డి, అనంతపురం ఎమ్మెల్యే దగ్గుపాటి వెంకటేశ్వర ప్రసాద్, శింగనమల ఎమ్మెల్యే బండారు శ్రావణి శ్రీ హాజరయ్యారు.
భారతీయ జనతా పార్టీ నుంచి మాజీ ఎమ్మెల్యే కాపు రామచంద్రారెడ్డి, మాజీ జిల్లా అధ్యక్షుడు సందిరెడ్డి శ్రీనివాస్రెడ్డి, ప్రస్తుత జిల్లా అధ్యక్షుడు కొండకండ్ల రాజేష్ తదితరులు సమావేశంలో పాల్గొన్నారు. స్థానిక సంస్థల ఎన్నికలకు సంబంధించి కూటమి పార్టీల మధ్య సమన్వయం, కార్యాచరణపై ఈ సమావేశంలో చర్చించారు.
