గుర్రం జాషువా సాహిత్య సేవలు చిరస్మరణీయం
గుర్రం జాషువా సాహిత్య సేవలు చిరస్మరణీయం
అనంతపురంలో జాషువా విగ్రహానికి టీడీపీ నేతల పుష్పాంజలి
అనంతపురం: ప్రజాకవి, మహనీయుడు గుర్రం జాషువా జయంతి సందర్భంగా అనంతపురం నగరంలో ఆయన విగ్రహానికి తెలుగుదేశం పార్టీ నాయకులు ఘనంగా నివాళులర్పించారు. టీడీపీ అనంతపురం జిల్లా అధ్యక్షుడు, ఆర్టీసీ జోనల్ చైర్మన్ పూల నాగరాజు, ఎమ్మెల్సీ దళవాయి రమాదేవితో కలిసి జాషువా విగ్రహానికి పూలమాలలు వేసి పుష్పాంజలి ఘటించారు.
ఈ సందర్భంగా నాయకులు గుర్రం జాషువా సాహిత్య సేవలను స్మరించుకున్నారు. సమాజంలో సమానత్వం, సామాజిక చైతన్యం, మానవతా విలువలను తన రచనల ద్వారా ప్రజల్లోకి తీసుకెళ్లిన జాషువా సాహిత్య సేవలు చిరస్మరణీయమని పేర్కొన్నారు.
అణగారిన వర్గాల అభ్యున్నతి, సామాజిక సమానత్వం కోసం జాషువా తన రచనల ద్వారా చేసిన కృషి స్ఫూర్తిదాయకమని తెలిపారు. ఆయన సాహిత్యం సామాజిక చైతన్యానికి మార్గదర్శకంగా నిలిచిందని అన్నారు.
ఈ కార్యక్రమంలో టీడీపీ నాయకులు, కార్యకర్తలు, జాషువా అభిమానులు తదితరులు పాల్గొని ప్రజాకవికి ఘన నివాళులు అర్పించారు.
