చీర చంద్రమౌళి ఆధ్వర్యంలో వెలిమెలలో సందడి.. -ముఖ్య అతిథిగా కాంగ్రెస్ సీనియర్ నాయకుడు శాపురం నరసింహ రెడ్డి

పటాన్ చెరు;పండుగ అంటే కేవలం సంబరాలు మాత్రమే కాదు ఆత్మీయులను కలిపే అనుబంధాల వేడుక దసరా పర్వదినాన్ని పురస్కరించుకుని వెలిమెలలో నిర్వహించిన ఆలై-బలై కార్యక్రమం స్నేహబంధాలు, ఆత్మీయ పలకరింపులు, పండుగ శుభాకాంక్షలతో సందడిగా సాగింది. చీర చంద్రమౌళి ఆధ్వర్యంలో వెలిమెలలోని దుర్గ శంకర్ ఫంక్షన్ హాల్‌లో జరిగిన ఈ వేడుకకు స్నేహితులు, బంధువులు, శ్రేయోభిలాషులు పెద్ద సంఖ్యలో హాజరై పండుగ ఆనందాన్ని పంచుకున్నారు.ఈ కార్యక్రమానికి కాంగ్రెస్ పార్టీ సీనియర్ నాయకుడు శాపురం నరసింహ రెడ్డి ముఖ్య అతిథిగా విచ్చేసి, వేడుకల్లో పాల్గొని అందరికీ విజయదశమి శుభాకాంక్షలు తెలిపారు. ఒకరినొకరు ఆప్యాయంగా పలకరించుకుంటూ, ఆలింగనం చేసుకుంటూ శుభాకాంక్షలు తెలుపుకోవడంతో ఫంక్షన్ హాల్‌లో పండుగ వాతావరణం నెలకొంది. నిత్య జీవితంలో పనుల ఒత్తిడితో బిజీగా గడిపే స్నేహితులు, బంధువులు ఇలాంటి వేడుకల ద్వారా ఒకచోట చేరి తమ అనుబంధాలను గుర్తుచేసుకున్నారు. సంప్రదాయాలకు గౌరవం ఇస్తూ, పరస్పర ప్రేమాభిమానాలను చాటిచెప్పే ఆలై-బలై కార్యక్రమం అందరిలో ఉత్సాహాన్ని నింపింది. దసరా పండుగ సందర్భంగా నిర్వహించిన ఈ ఆత్మీయ సమ్మేళనం స్నేహబంధాలను మరింత బలోపేతం చేస్తూ,ఐక్యతకు ప్రతీకగా నిలిచింది. ఆనందోత్సాహాల మధ్య జరిగిన ఈ వేడుకతో పాల్గొన్న వారంతా పండుగ సంతోషాలను పరస్పరం పంచుకున్నారు.