యువత వ్యాపార రంగంలోకి రావాలి మార్కెట్ కమిటీ చైర్మన్ కుడ్మెత విశ్వనాథ్ రావు, స్థానిక సర్పంచ్ కొడప ప్రకాష్

సూర్య జైనూర్ : యువత ఉద్యోగాల కోసం ఎదురుచూడటమే కాకుండా, స్వయం ఉపాధి మార్గాలను ఎంచుకొని వ్యాపార రంగంలోకి అడుగుపెట్టాలని జైనూర్ వ్యవసాయ మార్కెట్ కమిటీ చైర్మన్ కుడ్మెత విశ్వనాథ్ రావు, స్థానిక సర్పంచ్ కొడప ప్రకాష్ పిలుపునిచ్చారు. యువతలో ఉన్న నైపుణ్యాలను గుర్తించి, వాటిని ఆచరణలో పెట్టినప్పుడే ఆర్థికంగా ఎదగడంతో పాటు సమాజ అభివృద్ధికి తోడ్పడగలరని వారు పేర్కొన్నారు.జైనూర్‌లో నూతనంగా ఏర్పాటు చేసిన వ్యాపార సంస్థ ప్రారంభోత్సవ కార్యక్రమంలో వారు పాల్గొని, రిబ్బన్ కట్ చేసి ప్రారంభించారు. ఈ సందర్భంగా వారు మాట్లాడుతూ.. ప్రస్తుత పరిస్థితుల్లో వ్యాపార రంగంలో ఎన్నో అవకాశాలు ఉన్నాయని, యువత వాటిని సద్వినియోగం చేసుకోవాలని సూచించారు. చిన్న వ్యాపారంతో ప్రారంభించి, క్రమంగా తమ వ్యాపారాన్ని విస్తరించుకోవచ్చని తెలిపారు.యువత స్వయం ఉపాధి సాధిస్తే కుటుంబ ఆర్థిక పరిస్థితి మెరుగుపడటమే కాకుండా, మరికొందరికి ఉపాధి కల్పించే స్థాయికి ఎదగవచ్చని వారు పేర్కొన్నారు. వ్యాపార రంగంలో రాణించాలనే లక్ష్యంతో ముందుకు సాగేవారికి పట్టుదల, కష్టపడి పనిచేసే తత్వం, వినియోగదారుల పట్ల నమ్మకం ఎంతో ముఖ్యమని తెలిపారు.ఈ కార్యక్రమంలో మాజీ సహకార సంఘం చైర్మన్ కొడప హనుపటేల్,మాజీ కో ఆప్షన్ అఫ్రోజ్,సీనియర్ నాయకులు మెస్రం అంబాజీ రావ్, జిల్లా మైనార్టీ నాయకులు రహీమ్, డాక్టర్ గోపీనాథ్,చాంద్ భాయ్, ఆసిఫ్, మహిముద్, ఫ్రిరోజ్,మరియు వ్యాపార సంస్థ నిర్వాహకులు, స్థానిక ప్రజాప్రతినిధులు, యువకులు, స్థానిక నాయకులు, గ్రామస్తులు తదితరులు పాల్గొన్నారు.