పట్టభద్రుల ఓటు నమోదుకు కాంగ్రెస్ గడపగడపకు ప్రచారం
పట్టభద్రుల ఓటు నమోదుకు కాంగ్రెస్ గడపగడపకు ప్రచారం
చేర్యాల : వరంగల్‌–నల్గొండ–ఖమ్మం పట్టభద్రుల ఎమ్మెల్సీ ఓటు నమోదును వేగవంతం చేయడంపై కాంగ్రెస్ నాయకులు దృష్టి సారించారు. జనగామ నియోజకవర్గ ఇన్‌చార్జి కొమ్మూరి ప్రతాప్‌రెడ్డి ఆదేశాలు, చేర్యాల కాంగ్రెస్ పార్టీ అధ్యక్షుడు మంజె మల్లేశం సూచనల మేరకు ఆకునూరు గ్రామంలో శనివారం గడపగడపకు వెళ్లి పట్టభద్రులు ఓటు నమోదు చేసుకోవాలని విజ్ఞప్తి చేశారు. అర్హులైన ప్రతి పట్టభద్రుడు ఓటరుగా నమోదు చేసుకునేలా అవగాహన కల్పించారు.గ్రామ శాఖ అధ్యక్షుడు ఆకుల రాజు గౌడ్ ఆధ్వర్యంలో జరిగిన ఈ కార్యక్రమంలో జిల్లా కాంగ్రెస్ ప్రధాన కార్యదర్శి అందె నానిబాబు, సీనియర్ నాయకుడు రణం శ్రీకాంత్, ఉపాధ్యక్షుడు పెద్ద ముత్తుని పోశయ్య, యూత్ అధ్యక్షుడు ఉడుత బాలరాజు, సోషల్ మీడియా అధ్యక్షుడు అనుముల రాజశేఖర్, ఉపసర్పంచ్ కడారి పల్లవి- భాస్కర్, వార్డు సభ్యులు సూర అనిత, సంపత్‌తో పాటు కాంగ్రెస్ నాయకులు తోళ్ళ వేణు, తాటికొండ సుభాష్, నీలా నరేష్, కడారి నరేష్, ఉల్లెంగల రాజశేఖర్, రంజిత్ రెడ్డి తదితరులు పాల్గొన్నారు.
