పోలాండ్లో స్టార్లింక్ గ్రౌండ్ స్టేషన్లో అగ్నిప్రమాదం
కుట్ర కోణంపై అధికారుల అనుమానం!
సూర్య అంతర్జాతీయ డెస్క్: పోలాండ్లోని ఉపగ్రహ ఇంటర్నెట్ కేంద్రమైన స్టార్లింక్ (Starlink) గ్రౌండ్ స్టేషన్లో చోటుచేసుకున్న భారీ అగ్నిప్రమాదం వెనుక విధ్వంసకర కుట్ర (Sabotage) ఉండి ఉంటుందని పోలిష్ భద్రతా అధికారులు అనుమానం వ్యక్తం చేస్తున్నారు. ఈ ఘటనపై ఉన్నత స్థాయి విచారణకు ప్రభుత్వం ఆదేశించింది.
ఇలాన్ మస్క్కు చెందిన స్పేస్ఎక్స్ (SpaceX) నిర్వహిస్తున్న ఈ స్టార్లింక్ ఉపగ్రహ కేంద్రం, ప్రాంతీయ కమ్యూనికేషన్లతో పాటు పొరుగున ఉన్న ఉక్రెయిన్ ఇంటర్నెట్ నెట్వర్క్కు ఎంతో కీలకంగా వ్యవహరిస్తోంది. సదరు కేంద్రంలో ప్రమాదవశాత్తు మంటలు చెలరేగాయా లేక ఉద్దేశపూర్వకంగానే ఎవరైనా నిప్పు పెట్టారా అనే కోణంలో పోలాండ్ అంతర్గత భద్రతా సంస్థలు దర్యాప్తు వేగవంతం చేశాయి. ఐరోపా దేశాల్లోని కీలక మౌలిక వసతుల లక్ష్యంగా ఇటీవల జరుగుతున్న అనుమానాస్పద ఘటనల నేపథ్యంలో ఈ ప్రమాదం ప్రాధాన్యత సంతరించుకుంది.
