ఇరాన్ భరతం పడతాం

వాషింగ్టన్:‘ఫ్లై దుబాయ్’ FZ1073 విమానంలో చోటుచేసుకున్న తీవ్ర ఘటనపై అమెరికా మాజీ అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. ఈ ఉదంతంలో ఇరాన్ ప్రమేయం ఉండవచ్చనే బలమైన అనుమానాలను ఆయన వ్యక్తం చేశారు. విమానాన్ని ప్రమాదంలోకి నెట్టేందుకు యత్నించిన ఒమన్ దేశానికి చెందిన కో-పైలట్‌కు ఇరాన్ ప్రభుత్వంతో లేదా అక్కడి సంస్థలతో సంబంధాలు ఉండి ఉంటాయని ఆయన అభిప్రాయపడ్డారు.

ఈ ఘటనపై జరుగుతున్న దర్యాప్తులో ఇరాన్ హస్తం ఉన్నట్లు ఆధారాలతో తేలితే ఆ దేశం తీవ్ర పరిణామాలను ఎదుర్కొవాల్సి ఉంటుందని ట్రంప్ హెచ్చరించారు. ఈ కుట్ర వెనుక ఎవరున్నారనేది పూర్తిస్థాయి విచారణలోనే వెల్లడికావాల్సి ఉందన్నారు. కాగా, తీవ్రంగా గాయపడినప్పటికీ భారతీయ కెప్టెన్ ఎంతో సాహసంతో కాక్‌పిట్ తలుపులు తెరిచి ప్రయాణికుల సాయంతో కో-పైలట్‌ను బంధించడంతో విమానం సురక్షితంగా ల్యాండ్ అయిన సంగతి తెలిసిందే. ఈ ఘటనపై ప్రస్తుతం అంతర్జాతీయ దర్యాప్తు సంస్థలు విచారణను వేగవంతం చేశాయి.