వైసీపీ జెడ్పీటీసీ అభ్యర్థులకు బీ-ఫారాలు అందజేసిన మాజీ ఎమ్మెల్యే సత్తి.
అనపర్తి, మేజర్ న్యూస్. అనపర్తి నియోజకవర్గంలో స్థానిక సంస్థల ఎన్నికల నేపథ్యంలో వైఎస్సార్‌సీపీ తరఫున జెడ్పీటీసీ స్థానాలకు పోటీ చేస్తున్న అభ్యర్థులకు మాజీ ఎమ్మెల్యే, వైఎస్సార్‌సీపీ నియోజకవర్గ సమన్వయకర్త డాక్టర్ సత్తి సూర్యనారాయణరెడ్డి గురువారం పార్టీ కార్యాలయంలో బీ-ఫారాలను అందజేశారు.అనపర్తి జెడ్పీటీసీ అభ్యర్థిగా కొండేటి భీమేశ్వరరావు (భీమేష్), బిక్కవోలు జెడ్పీటీసీ అభ్యర్థిగా కొవ్వూరి సుజాత, పెదపూడి జెడ్పీటీసీ అభ్యర్థిగా గుత్తుల వీర వెంకట సత్యనారాయణ (రమణ), రంగంపేట జెడ్పీటీసీ అభ్యర్థిగా లంక చంద్రదుర్గ వైఎస్సార్‌సీపీ తరఫున పోటీ చేస్తున్నారు. ఈ నేపథ్యంలో పార్టీ తరఫున పోటీ చేసేందుకు అవసరమైన బీ-ఫారాలను మాజీ ఎమ్మెల్యే వారికి అందజేశారు.ఈ కార్యక్రమంలో అనపర్తి మండల కన్వీనర్ సత్తి రామకృష్ణారెడ్డి (రాంబాబు), కొవ్వూరి రామిరెడ్డి (రాము), లంక చంద్రన్న, నియోజకవర్గ ఎస్సీ సెల్ అధ్యక్షుడు సాంబత్తుల చంటి, యాసిడ్ రాము, సత్తి శ్రీనివాసరెడ్డి, మైనారిటీ సెల్ అధ్యక్షుడు షేక్ బషీర్, డి. చైతన్య, వాసంశెట్టి కోటేశ్వరరావు, సుబ్రహ్మణ్యం, తేతల చిన్న వెంకటరెడ్డి, మణికంఠ, వాసంశెట్టి శివకుమార్ తదితరులు పాల్గొన్నారు.
