స్థానిక ఎన్నికల్లో వైసీపీ హడావుడి.. ఘంటసాలలో ముగ్గురు అభ్యర్థుల నామినేషన్లు

ఘంటసాల మేజర్ న్యూస్

ఘంటసాల:- స్థానిక సంస్థల ఎన్నికల సమరం ఘంటసాల మండలంలో వేడెక్కింది. ఎంపీటీసీ స్థానాలకు వైఎస్సార్సీపీ తరఫున బుధవారం ముగ్గురు అభ్యర్థులు తమ నామినేషన్ పత్రాలను దాఖలు చేశారు.

కొడాలి ఎంపీటీసీ స్థానం నుంచి ఎంపీపీ అభ్యర్థిగా బరిలోకి దిగుతున్న తుమ్మల చంద్ర తన నామినేషన్ పత్రాలను మండల ఎన్నికల రిటర్నింగ్ అధికారి డి.సుబ్బారావుకు అందజేశారు.

అదేవిధంగా మల్లంపల్లి ఎంపీటీసీ స్థానానికి పోటీ చేస్తున్న పెద్దిబోయిన లక్ష్మణస్వామి (పుల్లయ్య), వీర్ల రాంబాబు తమ నామినేషన్లను ఆర్వో సుబ్బారావుకు సమర్పించారు.

ఈ సందర్భంగా అసిస్టెంట్ రిటర్నింగ్ అధికారి కె.వెంకటేశ్వరరావు, ఎన్నికల సిబ్బంది పాల్గొన్నారు.