రేపు శ్రీ నీలమణి దుర్గ అమ్మవారి హుండీల లెక్కింపు

పాతపట్నం, సూర్య : శ్రీకాకుళం జిల్లా పాతపట్నం పంచాయతీ పరిధిలోని ప్రసిద్ధ శ్రీ నీలమణి దుర్గ అమ్మవారి దేవస్థానంలో గల ధర్మహుండీలను నవంబర్ 12వ తేదీ గురువారం ఉదయం 10:00 గంటలకు తెరిచి లెక్కించనున్నట్లు ఆలయ కార్యనిర్వహణాధికారి (ఈవో) ఒక ప్రకటనలో తెలిపారు. దేవాదాయ ధర్మదాయ శాఖ అధికారులు, ధర్మకర్తల మండలి చైర్మన్, సభ్యులు, ఆలయ అర్చకులు, సేవా సమితి సభ్యులు మరియు భక్తుల సమక్షంలో ఈ లెక్కింపు కార్యక్రమం జరుగుతుందని పేర్కొన్నారు. లెక్కింపులో పాల్గొనదలచిన ఆసక్తిగల భక్తులు తప్పనిసరిగా సంప్రదాయ డ్రెస్ కోడ్ పాటించి హాజరుకావాలని కోరారు.